ချောကလက်အက်ဆေး

ချောကလက်အက်ဆေး
gravatar

ဘီယာကို ဘာကြောင့် ဖန်ခွက်နဲ့ထည့်ပြီး သောက်သင့်တာလဲ?



ဘီယာကို ဘာကြောင့် ဖန်ခွက်နဲ့ထည့်ပြီး သောက်သင့်တာလဲ?
 
 

 

ဒီခေတ်မှာတော့ ဘီယာဟာ သတ္တုဘူး (သို့) ပုလင်းနဲ့ ရောင်းချတဲ့ ဘီယာရှိသလို ၊ စည်ထဲကနေ ခွက်ခြင်နဲ့ရောင်းတဲ့ ဘီယာလည်း ရှိပါတယ်။ ဆိုင်မှာ ခွက်နဲ့ဝယ်သောက်တဲ့အခါ ဖန်ခွက်နဲ့ ထည့်ပေးပေမယ့် ကိုယ့်ဘာသာကိုယ် စတိုးဆိုင်ကနေ ဝယ်ရင်တော့ သတ္တုဘူး(သို့) ပုလင်းနဲ့ ဖြစ်ပါတယ်။ ဘယ်လိုပဲဖြစ်စေ ဘီယာကိုသောက်တဲ့ အခါ ဖန်ခွက်နဲ့ ထည့်ပြီး သောက်ဖို့ အတွက် လေ့လာသူတစ်ချို့က အကြံပေးထားတာရှိပါတယ်။
.
ဘီယာကို ဘာကြောင့်ဖန်ခွက်နဲ့ထည့်ပြီး သောက်သင့်သလဲဆိုတဲ့ အကြောင်းအရင်း (၃) ချက်ရှိနေပါတယ်။
အဲဒါတွေကတော့…
- အနံ့ နဲ့ အရသာ ကို ကောင်းစွာခံစားနိုင်ဖို့
- အမြင်ကြောင့်သောက်ချင်စိတ်ဖြစ်မှုကို အထောက်အပံ့ဖြစ်စေဖို့။
- အမြုပ်ရဲ့အထောက်အပံ့
တို့ပဲဖြစ်ပါတယ်။
.
[အနံ့ နဲ့ အရသာ ကို ကောင်းစွာခံစားနိုင်ဖို့]
----------------------------------------------
Taste ဆိုတဲ့အရသာကိုခံစားမှုဟာ အနံပါဝင်မှပဲ ပြီးပြည့်စုံမှာပဲဖြစ်ပါတယ်။ အစားအသောက်တွေကို အရသာခံတဲ့အခါ နှာခေါင်းသာပိတ်နေမယ်ဆိုရင် ပြီးပြည့်စုံတဲ့ အရသာခံစားမှုကိုဖြစ်ပေါ်စေမှာမဟုတ်ပါဘူး။ ဒါကြောင့် အနံ့ဟာအရသာနဲ့တွဲလျက်ရှိနေပါတယ်။ ဘီယာကို ဖန်ခွက်နဲ့ထည့်ပြီးသောက်ခြင်းအားဖြင့် ဘီယာရဲ့အရသာနဲ့အတူ ဘီယာအနံ့ကိုလည်း ခံစားနိုင်တာကြောင့် ကောင်းမွန်တဲ့ဘီယာရဲ့ အရသာကိုပြည့်စုံစေမှာဖြစ်ပါတယ်။
.
[အမြင်ကြောင့်သောက်ချင်စိတ်ဖြစ်မှုကို အထောက်အပံ့ဖြစ်စေဖို့]
----------------------------------------------------------------------
ဒီနေရာမှာ မျက်လုံးနဲ့သောက်တယ်လို့ တောင် တင်စားပြီးပြောလို့ရနိုင်ပါတယ်။ ဖန်ခွက်ထဲမှာရှိနေတဲ့ ဘီယာရဲ့အရောင်အသွေးကလည်း စိတ်ကိုပိုလို့ တပ်မက်မှုဖြစ်စေပါတယ်။ စမ်းသပ်ကြည့်နိုင်ပါတယ်။ မတ်ခွက်တစ်ခွက်ထဲကို ထည့်ထားတဲ့ ဘီယာရယ် ၊ ပုလင်းတစ်လုံးထဲက ဘီယာရယ် ၊ ဖန်ခွက်အကြည်ထဲမှာ ဝင်းဝင်းပပရှိနေတဲ့ ဘီယာတွေရယ်၊ သုံးခုယှဉ်ချပြီးသာ ကြည့်ကြည့်လိုက်ပါ။
.
[အမြုပ်ရဲ့အထောက်အပံ့]
----------------------------
တချို့ကတော့ ပုလင်းထဲကဖြစ်စေ ၊ စည်ထဲကဘီယာကို ဂေါက်တံကနေ ထည့်တဲ့အခါဖြစ်စေ အမြုပ်မထအောင် ထည့်တတ်တာကို ကျွမ်းကျင်မှုတစ်ရပ်အဖြစ် ဂုဏ်ယူချင်ကြတယ်။ ဒါပေမယ့် ဘီယာဟာ အမြုပ်ထမှ ဘီယာပီသပါတယ်။ ဘီယာကို ခွက်ထဲလောင်းထည့်လိုက်တဲ့အခါ ထလာတဲ့ အမြုပ်တွေဟာ သောက်ချင်မှုကို ဖြစ်စေတဲ့ တကယ့်အထောက်အပံ့ပါပဲ။ အမြုပ်ဟာ ဘယ်လိုစွမ်းဆောင်ပေးသလဲ? ဟုတ်ကဲ့၊ အမြုပ်ဟာ ရနံ့ကိုပိုပိုလှိုင်စေပါတယ်။ ဖန်ခွက်နဲ့သောက်ခြင်းကြောင့် ဘီယာအနံ့ကိုကောင်းစွာသိရှိခံစားနိုင်မှုကို အထောက်အပံ့ပေးပါတယ်။ ဒါ့အပြင် ခွက်ထဲမှာ ဘီယာအမြုပ်ထနေတာကြောင့်လည်း အမြုပ်နဲ့အတူကြွတက်နေတဲ့ ဘီယာရဲ့အနံ့အမျိုးအစားကိုလည်း အလွယ်တကူနဲ့ သိရှိနိုင်ကာ၊ မတူကွဲပြားတဲ့ ဘီယာအနံ့တွေကိုလည်း ခွဲခြားနိုင်မှာဖြစ်ပါတယ်။ ဒါဟာ ခွက်ထဲမှာ အမြုပ်ထခြင်းကြောင့်ဖြစ်လာတဲ့ အကျိုးကျေးဇူးတွေပါပဲ။ အထက်မှာလည်း ဘီယာရဲ့အနံ့ဟာ သောက်ချင်စိတ်ဖြစ်မှုကို ပိုမိုလာစေတယ်လို့ ဆိုထားတယ်မဟုတ်ပါလား။ ဘီယာအမြုပ်ထခြင်းဟာ အနံ့ကိုပိုမိုရရှိစေတာကြောင့် သောက်သုံးတဲ့အခါ တကယ်ကို ကောင်းမွန်တဲ့ အထောက်အပံ့ဖြစ်စေမှာ အမှန်ပါပဲလေ။
.
ကျော်ညိုသွေး



gravatar

အရှောင်အတိမ်းကောင်းကောင်းနဲ့ ဝေဖန်မယ်


အရှောင်အတိမ်းကောင်းကောင်းနဲ့ ဝေဖန်မယ်
=========================


လူတွေအမြဲတမ်းပြောတတ်ကြတယ်။ ဝေဖန်တာမခံနိုင်ရင် မတိုးတက်ဘူးဆိုတာမျိုးပေါ့။ 

တကယ်တမ်း သူတို့ကို စိတ်ရင်းအတိုင်းဝေဖန်လိုက်လို့ မခေါ်နိုင်၊ မပြောနိုင် ဖြစ်သွားကြတာလည်း အများကြီးပါပဲ။
.
တကယ်တမ်းတော့ လူဆိုတာ အဝေဖန်မခံနိုင်ဆုံး၊ ထောက်ပြတာ မခံနိုင်ဆုံး သတ္တဝါပဲ။ 

ဒါကြောင့် ဝေဖန်တာတွေ ၊ ထောက်ပြတာတွေ လုပ်တဲ့အခါ လူတွေရဲ့စိတ်မှာ ဝေဖန်လို့ ဝေဖန်မှန်းမသိအောင် တစေ့တစောင်းနဲ့ ဝေဖန်တာမျိုးကို လုပ်ကြတာပေါ့။
.
အဲဒီတော့..
ဘဝမှာ လူတွေနဲ့ ပေါင်းသင်းဆက်ဆံရတာ အဆင်မပြေဘူးဆိုခဲ့ရင် ကိုယ်ကိုယ့်ကို ပြင်ဆင်လိုက်ဖို့က လူတွေကို မဝေဖန်ပါနဲ့။ လူတွေဟာ ဝေဖန်တာမကြိုက်ပါဘူး ဆိုတာကို အမြဲတမ်း သတိရှိရှိနဲ့ ပြုမူဖို့ပါပဲ။
.
ဝေဖန်တာနဲ့ ပတ်သက်ပြီး တခါတလေမှာ အကျဉ်းအကျပ်ဖြစ်ရတဲ့ ကိစ္စတွေလည်းရှိတတ်တယ်။ 

ဒါကတော့ သူတို့ လုပ်သမျှကို အမြင်သုံးသပ်ဝေဖန်တာမျိုး လုပ်စေချင်တဲ့သူတွေနဲ့ တွေ့ရတဲ့အခါမျိုးမှာပေါ့။
.
အဲဒီလို မဝေဖန်ရင်လည်း လူတွေက မကြိုက်ကြပြန်ဘူး။ 

လူတွေနဲ့ ပေါင်းသင်းဆက်ဆံရတာဟာ သိပ်ကို ခက်ခဲပါတယ်။ 
စိတ်ရင်းအတိုင်းဝေဖန်လည်း မကြိုက်တဲ့သူရှိသလို၊ မဝေဖန်ချင်ဘူးပြောရင်/မဝေဖန်ရင်လည်း 
စိတ်ဆိုး၊ စိတ်ခုတတ်တဲ့ လူအမျိုးအစားတွေရှိတဲ့အခါ မယုတ်မလွန်ဝေဖန်တာမျိုးကို ပြုလုပ်ဖို့ပါပဲ။
.
တချို့က သူတို့ တစ်ခုခုလုပ်ထားတာရှိရင်၊ ဥပမာ အဝတ်အစားတစ်ခုခု ဝတ်လာတာရှိရင် ကြည့်ပြီး အသိအမှတ်ပြုတာခံချင်တယ်။ တချို့က ထုတ်ကို ထုတ်ပြောလာတယ်။ 

ဘယ်လိုလဲ လှလားပေါ့။ မလိုက်ဘူးပြောလို့မဖြစ်ဘူးလေ။ ချွတ်ပစ်လိုက်လို့မှမရတာ။ 
အဲဒီတော့ သွယ်ဝိုက်ပြီး ပြောဖို့လိုအပ်တယ်။
.
"ဒီအဝတ်အစားလေးနဲ့ လိုက်လား" လို့မေးရင်..
လိုက်တယ်၊ မလိုက်ဘူး၊ လှတယ် မလှဘူး ဆိုတာထက်..
.
"ဒီလိုဝတ်ရတာ ကြိုက်လား၊ အမြင်တော့ဆန်းတယ်၊ ဘယ်ကဝယ်တာလဲ၊ ကိုယ်တိုင်ချုပ်တာလား ၊ လက်ရာသပ်ရပ်တယ်နော်" စသည်ဖြင့် အဝေ့အဝိုက်ကလေးတွေနဲ့ မယုတ်မလွန်လေးတွေ ပြောပေးတဲ့အခါ ဝေဖန်တာခံချင်တဲ့သူ အနေနဲ့ စိတ်မှာဝေဖန်တာခံရသလိုလို ၊ ကောင်းတယ်လို့ ပြောတာခံရသလိုလို ဖြစ်ပြီး ကိုယ့်အတွက်လည်း အငြိုငြင်မခံရတော့ဘူးပေါ့။
.
စိတ်ထဲသတိပြုရမှာက စိတ်ရင်းအတိုင်းဝေဖန်ရင် စိတ်ဆိုးတတ်တဲ့သူတွေရှိသလို၊ 

မဝေဖန်ပြန်ရင်လည်း စိတ်ဆိုးတတ်တဲ့သူတွေကြားမှာ ကိုယ့်ရဲ့ ပါးနပ်မှုတစ်ခုနဲ့
ဝေ့ဝေ့ဝဲဝဲနေတတ်ဖို့လည်း လိုအပ်တယ်ဆိုတာကိုပါ။
.
ကျော်ညိုသွေး

gravatar

လမ်းကြောင်းမတူတဲ့ အောင်မြင်မှုအပေါ် အားကျစိတ်မဖြစ်ပါနဲ့

လမ်းကြောင်းမတူတဲ့ အောင်မြင်မှုအပေါ် အားကျစိတ်မဖြစ်ပါနဲ့။
=================================

 လူတွေဟာ ဘဝဖြစ်လာကတည်းက ကိုယ့်ရဲ့ဘဝ၊ ကိုယ့်ရဲ့ ဗီဇစိတ်အခြေအနေနဲ့ သက်ဆိုင်တဲ့ ဘဝနေထိုင်မှုလမ်းကြောင်းဆိုတာရှိပါတယ်။ ဘဝမှာဖြစ်လာတဲ့ ရည်ရွယ်ချက်တွေ ၊ ရည်မှန်းချက်တွေဟာလည်း အဲဒီလို ဘဝအခြေအနေနဲ့ ဗီဇစိတ်အခြေအနေပေါ်မှာမူတည်ပြီး ဖြစ်ပေါ်လာခဲ့ကြတာပါပဲ။
.
ရည်ရွယ်ချက်ရှိတဲ့လူတိုင်းမှာ ကိုယ်သွားရမယ့်လမ်းကြောင်းဆိုတာရှိပါတယ်။ အဲဒီလမ်းကြောင်းကို ဖြောင့်ဖြောင့်တန်းတန်းလျှောက်ဖို့ဆိုရင် ကိုယ့်ရည်မှန်းချက်လမ်းကြောင်းတူ ပေါ်မှာ လျှောက်လှမ်းနေတာ မဟုတ်တဲ့လူတွေ ရဲ့ တိုးတက်မှုကိုကြည့်ပြီး သိမ်ငယ်စိတ်ကို ဖျောက်ထားမှရပါလိမ့်မယ်။
.
ကိုယ်ကဖြစ်ချင်တာကတမျိုး၊ လုပ်နေရတာတမျိုးဆိုတာမျိုး ဘဝမှာ တခါတလေကြုံရတတ်ပါတယ်။ ကိုယ်ရဲ့ရည်မှန်းချက်ကို အကောင်အထည်မဖော်နိုင်သေးခင်မှာ လှေကားထစ်အနေနဲ့ ကိုယ့်ရပ်တည်မှုကို ယိုင်နဲ့မသွားအောင်ဆိုတဲ့ အနေနဲ့ တခြားနယ်ပယ်တစ်ခုခုမှာ လုပ်ကိုင်နေရတာမျိုး ရှိနေတဲ့အခါ အဲဒီနယ်ပယ်မှာရှိတဲ့ သူတွေရဲ့ အောင်မြင်မရရလာဒ်တွေကို အားကျပြီး ကိုယ့်ရဲ့ရည်မှန်းချက်အတွက် ကြိုးစားမှုအပေါ် လျော့တိလျော့ရဲစိတ်ဖြစ်လာတတ်တာဟာ သဘာဝပါပဲ။
.
ကိုယ်က စာရေးဆရာဖြစ်ချင်တယ်။ ဒါပေမယ့်လည်း ကိုယ်ဝင်လုပ်နေတဲ့ အလုပ်က Marketing ကုမ္ပဏီဖြစ်နေတယ်။ အဲဒီမှာ ကိုယ့်ဘေးက တခြားလူတွေက ရာထူးတွေတိုးသွားတယ်၊ လစာတွေများသွားတယ် စသည်ဖြင့် တိုးတက်မှုတွေရှိနေတာကို ကြည့်ပြီး သိမ်ငယ်စိတ်မဝင်ဖို့တော့လိုပါတယ်။
ကိုယ်က ဘာဖြစ်ချင်တာလဲဆိုတာပေါ်မူတည်ပြီး ကိုယ်ရောက်တဲ့နေရာမှာ အကောင်းဆုံးလုပ်ဖို့လိုပါတယ်။ ကိုယ်သွားတဲ့လမ်းကြောင်းနဲ့ သူသွားတဲ့လမ်းကြောင်းနဲ့မတူရင် ဘဝမှာ ပြန်ရချက်တွေ ၊ ရာထူးတွေ ၊ ဝင်ငွေတွေ မတူတာကိုလည်း သတိပြုရပါမယ်။
.
ကိုယ့်လမ်းကြောင်းဆိုတာ ကိုယ်က ဒီအလုပ်တစ်ခုကို လုပ်ရင် ဘဝမှာ တစ်သက်လုံးပျော်ရမယ်။ ဒီအလုပ်က ဝင်ငွေရတဲ့အခါ ကိုယ့်ရဲ့ယုံကြည်မှုတွေ
တိုးလာမယ် စသည်ဖြင့် ကိုယ့်ကို ကျေနပ်နှစ်သိမ့်မှုပေးနိုင်တဲ့ အလုပ်ပါ။
.
ကိုယ် ကိုယ်တိုင်လျှောက်တဲ့လမ်းရဲ့ခက်ခဲမှုကို ကိုယ်တိုင်သိပါတယ်။ ကိုယ့်လမ်းကြောင်းနဲ့ သူ့လမ်းကြောင်းမတူရင် အတွေ့အကြုံလည်းမတူသလို နယ်ပယ်လည်း မတူပါဘူး။ ကိုယ့်လမ်းကြောင်းကို ကိုယ်တွေးတာသာ
ကိုယ့်ရည်မှန်းချက်ဆီကိုရောက်ဖို့ ခွန်အားဖြစ်စေမှာပါ။
.
ကိုယ် ကိုယ်တိုင်လည်း သူများရဲ့ ဖြစ်ထွန်းမှုကိုကြည့်ပြီး ကိုယ့်ရည်ရွယ်ရာလမ်းကြောင်းကို မေ့သွားလောက်တဲ့အထိအားကျနေခဲ့မိတယ်။ အဲဒီအခါ ကိုယ့်ရည်မှန်းချက်ကို သွားမယ့်ခြေလှမ်းတွေ တုန့်နှေးကုန်တော့တာပေါ့။
.
သူတပါးရဲ့ အောင်မြင်မှုကို ကြည့်ပြီး ကိုယ့်ကိုယ်ကို အားမလိုအားမရဖြစ်တာဟာ ကိုယ့်ရည်ရွယ်ရာလမ်းကြောင်းကိုခဏတာမေ့သွားခြင်းပါပဲ။ အဲဒီအခါ စိတ်ဓါတ်တွေကျလာမယ်။ စိတ်ဓါတ်တွေကျလာတဲ့အခါ ကိုယ့်အောင်မြင်မှုအတွက် ဖြည့်ဆည်းရမယ့်အတွေ့အကြုံတွေ အလေ့အကျင့်တွေကို လုပ်ဆောင်ဖို့ ပေါ့လျော့လာပါလိမ့်မယ်။
.
အဓိက က ကိုယ့်ကိုယ်ကိုသာရှေးရှုဖို့ လိုအပ်တာပါ။ မဖြစ်နိုင်သေးတဲ့ ရည်ရွယ်ချက်တွေ ၊ ပန်းတိုင်တွေဟာ ကိုယ့်ကို စောင့်နေကြတာပါ။ လမ်းခုလတ်မှာ သူတပါးရဲ့အောင်မြင်မှုကိုကြည့်နေမယ်ဆိုရင်တော့ ရည်ရွယ်ရာဆီ ရောက်ဖို့ အနည်းငယ်နှေးနေဦးမှာဖြစ်ပါတယ်။
.
သူလည်း သူ့ဘဝသူ့ရည်ရွယ်ချက်လမ်းကြောင်းပေါ်မှာလျှောက်နေတာဖြစ်တယ်။ သူ့လမ်းကြောင်းပေါ်မှာ လျှောက်လှမ်းရင်း သူ့အတွေ့အကြုံနဲ့သူရှိနေတာဖြစ်သလို ၊ ကိုယ်ကိုယ်တိုင်လည်း ကိုယ့်အတွေ့အကြုံနဲ့ ကိုယ်ပါပဲ။ ဒါကိုနားလည်ထားမယ်ဆိုရင် ကိုယ့်ရည်မှန်းချက်အတွက် ကိုယ်ကိုယ်တိုင်ဖြည့်ဆည်းရမယ့် အတွေ့အကြုံကောင်းတွေကို ရှာဖွေဖြည့်ဆည်းပြီး ကိုယ့်ရည်မှန်းချက်ပန်းတိုင်ဆီကို အရောက်လှမ်းနိုင်မှာပါ။
.
ဒါကြောင့် ကိုယ့်ဘဝကိုယ်တွေးပါ။ ကိုယ့်သဘာဝနဲ့ မတူတဲ့ လမ်းကြောင်းတွေကို မငေးပါနဲ့။ သိမ်ငယ်စိတ်ဝင်လာတတ်ပါတယ်။ သိမ်ငယ်စိတ်ဟာ တိုးတက်မှုလမ်းကြောင်းကို သိပ်ကို အတားအဆီးဖြစ်ပါတယ်။ ကိုယ့်ရဲ့ တက်ကြွမှုကိုလည်း ဆုတ်ယုတ်စေပါတယ်။
.
ကိုယ်တိုင်.. စိတ်ဓါတ်တွေသိပ်ကျနေတဲ့အခါ၊ ကိုယ့်ဘေးကချင်းချင်းတွေရဲ့ အောင်မြင်မှုကိုမြင်ရတဲ့အခါ ကိုယ့်စိတ်မှာဖြစ်ရတဲ့ သိမ်ငယ်နာကျင်မှုကို ဒီလိုနည်းလမ်းနဲ့ပဲ စဉ်းစားကျော်ဖြတ်ရပါတော့တယ်။ သူတို့အနေနဲ့ သူတို့ ဘဝ ၊ သူတို့ ဗီဇ ၊ သူတို့ဝါသနာနဲ့ သူတို့လမ်းကြောင်းဟာ ဘယ်လိုမျိုးလဲ ဆိုတာကို သိရှိပြီးတဲ့နောက် ကိုယ့်လမ်းကြောင်း၊ ကိုယ့်ဝါသနာ ၊ ကိုယ့်ဗီဇနဲ့ ကိုယ်ရဲ့ ရည်မှန်းချက်အတွက် ရှေ့ဆက်ရမယ့် နည်းလမ်းတွေကို စဉ်းစားခဲ့ရတယ်။
.
ကျော်ညိုသွေး

gravatar

ဟယ်လင်ရဲ့ကမ္ဘာ

ဟယ်လင်ရဲ့ကမ္ဘာ
.
အနက်ရောင်ပန်းတွေကြားထဲကလှမ်းမြင်ရတဲ့
ဟယ်လင်ရဲ့ နိုင်ငံတော်ဟာ
ဖြူလွလွ အဝတ်စတွေ တလွင့်လွင့်နဲ့။
.
အလွမ်းဆိုတာ..
နှစ်ပါးသွားပြဇာတ်ကိုကြည့်လို့ရတဲ့..
ကြည်နူးမှုမျိုးလိုမဟုတ်ဘူးဆိုတာ
မင်းသိလောက်ရဲ့။
.
အကြွေစေ့တွေ ပစ်မြှောက်လိုက်တိုင်း
ပြန်ကျလာတာက..
တကူးတက မိုးရေတွေပဲ
လက်ဖဝါးထဲမှာ မီးတောင်တွေထည့်သိမ်းထားတယ်။
.
ကြမ်းတမ်းပါစေ သည်းခံမယ်
လူဖြစ်ရတဲ့ ဘဝထဲက ခက်ခဲမှုတစ်ခုပဲ
ဝင်္ကပါတွေထဲက..
နှင်းဆီပန်းအကြွေတွေမြင်တိုင်း
ငတ်မွတ်နေတဲ့ အပြုံးကို
ဘယ်လိုအငွေ့ပျံပစ်စေခဲ့ရသလဲ
မင်းသိတယ်။
မင်းသိမယ်။
မင်းလည်း သိလောက်ရဲ့။
.
ငါ့ကိုယ်ငါလည်း ခွင့်မလွှတ်ဘူး။
ညတွေအပေါက်ပေါက်အပြဲပြဲဖြစ်နေခဲ့ရတာလည်း
ခွင့်မလွှတ်ဘူး။
လမ်းဆုံးပြီ။
ဘူတာရုံအိုလေးထဲ ကျန်နေခဲ့ပြီ။
ကြယ်ကြွေနေတဲ့..
အိပ်မက်တွေထဲက မင်းနှုတ်ခမ်းပင်လယ်ကို
လက်ပစ်ကူးရင်း ငါကျရှုံးခဲ့ပြီ။
.
ရင်ကွဲပက်လက်နွေထဲက
ငါ့အော်ဟစ်သံတွေတဆုံးမှာ
စပါးနှံတွေရင့်မှည့်ကုန်ကြပြီ။
.
မိုင်များစွာအဝေးဆီ..
တေးသံတွေ ခရီးထွက်သွားကြ
ဟန်းနီးမွန်းဆိုတဲ့ စကားလုံးကို
ငါ့အဘိဓါန်ထဲက စာမျက်နှာတွေထဲ
စုတ်ဖြဲလို့ထားခဲ့မယ်။
.
နှစ်ပါးသွားပြဇာတ်ဆိုတာ..
ထိုင်ငေးဖို့မဟုတ်ဘူး။
ကိုယ်တိုင်ပါဝင်ကပြဖို့
ဆန္ဒတွေ..
ဟောဒီကမ္ဘာထဲမှာ နစ်မြုပ်ဝင်နေခဲ့တာ
အသင်္ချေကြာခဲ့။
ငါမင်းကို အော်ခေါ်နေခဲ့တာ
အသင်္ချေကြာခဲ့။
တစ်မိနစ်၊ တစ်စက္ကန့်လေးတွေကြားထဲမှာတောင်
မင်းအသံကို ငါရှာမတွေ့နိုင်တော့ဘူး။
.
ကံကြမ္မာကို ကြိုဖတ်လို့ရရင်
တိမ်တွေဖြစ်ထွန်းလာတဲ့အထိ
ငါ့ကိုယ်ငါ ကျောက်ချလို့ထားခဲ့မိမှာပဲ
တွေးတယ်။
.
ဒီမြစ်ကို ငါမကူးခတ်လိုက်ရဘူး
ငါးတွေကို ငါမြင်တယ်
ဒီတောင်တန်းတွေကို ငါငေးမောရုံပဲ ကျေနပ်ခဲ့ရ။
.
မင်းလည်းသိမှာပဲ
သံခြေကျင်းခတ်ထားတဲ့ လူ့ဘဝအဖြစ်ကို
ငါကြိမ်ကြိမ်ငြင်းဆန်
ငါအကြိမ်ကြိမ် လက်ခံခဲ့ရ
.
ကြမ်းတမ်းလွန်းတဲ့ နူးညံ့မှုကို
ဇလီဖားတုံးတွေလို မျိုသိပ်ခဲ့ရ
ရင်ဝအထိတက်လာတဲ့ ဆန္ဒကို
ကျောက်ထွင်းကျိန်စာအဖြစ်စတေးပစ်ခဲ့ရ။
ကျောက်တုံးတွေထဲမှာ ငါ့အတ္တတွေ နစ်ဝင်နေတယ်
အဖြစ်အပျက်တွေဟာ ပုံပြင်ဆန်လွန်းနေတယ်
မိုးရေစက် တစ်စက်ချင်းစီတိုင်းရဲ့အဇ္ဖျတဟာ
မှောင်မိုက်နေတယ်။
.
ကဗျာဆန်သော နေ့ရက်တွေ..
ကြာဖြူတွေလိုပွင့်ခဲ့ပြီး ကျောက်ဖြစ်သွားခဲ့
ငါ့အာရုံတွေဟာ စွန်တစ်စင်းလို ပြတ်ကျခဲ့ပါပြီ
သူရဲကောင်းဆန်တဲ့ သီချင်းကို ငါမုန်းခဲ့ပါပြီ။
.
ပျော်ရွှင်ခြင်းတံဆိပ်ခတ်နှိပ်ထားတဲ့ ဖန်ခွက်အလွတ်တွေထဲ
သိမ်းပိုက်ခြင်းဝိုင်နီနီတွေ ထည့်သောက်ရင်း
မင်းတစ်ယောက် မူးရီလို့နေပြီလား။
အဆိပ်တွေကို ကြည်ဖြူတတ်သွားတော့မယ့် မင်းရဲ့ အနာဂတ်ကို
ငါကြိုမသိနိုင်တော့ဘူး။
.
ပိုးပုရွက်ကောင်တွေရဲ့ ကိုက်ခဲမှုက
ငါ့အနားယူချိန်တွေကို သိမ်းပိုက်သွားပြီးတဲ့နောက်ပိုင်း
ချိပ်ပိတ်ထားခဲ့တဲ့ တံခါးကို ဖျက်စီးပစ်ချင်တယ်။
.
မင်းကတော့ နောက်ကျနေတဲ့ ပျော်ရွှင်မှုထဲမှာ
ကျွဲတစ်ကောင်လို လူးနေတော့မယ်
ကြာဖြူတွေကို လှောင်ရယ်နေတော့မယ်
အမှားတွေဟာ အမှန်တွေပဲလို့ ယူဆနေတော့မယ်။
မစွန့်လွှတ်နိုင်ဘူးဆိုတဲ့ နိုင်ငံကို
ပျော်ရွှင်ခြင်းနဲ့ အလျော်အစားလုပ်နေတော့မယ်
အတိတ်ကို သတိရနေတဲ့အခါ
ပျော်ရွှင်ခြင်းဆိုတာ
နောက်ကျခြင်းလို့ အမည်တပ်နေတော့မယ်။
.
လူဖြစ်ရခြင်းက ပင်ပန်းလွန်းတယ်လို့ထင်တယ်
ဖိနပ်တစ်ရံဟာ အိပ်မက်တွေကို အရောင်တင်ပေးတယ်
ခွင့်လွှတ်စိတ်နဲ့ စုတ်ဖြဲခဲ့တဲ့ ကဗျာတစ်ပုဒ်ရဲ့ ပြာတွေကို
လှလှပပငေးနေလိမ့်မယ်။
.
တိမ်ဝါတွေထွန်းတဲ့ ညနေထဲက..
တနယ္တေက်းဆန္တဲ့အရပ္ကို
အထီးကျန်ကျန်ငေးမောဖို့လည်းမလိုတော့၊
ငုဝါတွေ တဖြည်းဖြည်းပွင့်လာမယ်
သံဝေဂတွေ တဖြည်းဖြည်း ရလာမယ်
မှန်တွေဟာ မင်းသံသယကို ဖြေလျော့ပေးလိမ့်မယ်
အလိုမရှိသော နှုတ်ခမ်းရဲ့ ပုံပြင်ဆန်ဆန် တေးဂီတကို
ယစ်မူးသာယာနေလိမ့်မယ်။
နှစ်ပါးသွားပြဇာတ်ထဲက မင်းသမီးလေးလို
အကအလှတွေနဲ့ ရင်တကာကို တုန်ရင်စေခဲ့ပြီးနောက်
နှစ်ပါးသွားပြဇာတ်ဆန်ခဲ့တယ်။
.
မင်းရဲ့ လျှို့ဝှက်သောဂီတကို
ငါနားထောင်ခဲ့သင့်တယ်။
ငါဟာ..
မင်းကိုယ်တိုင်ထွေးပိုက်တီးခတ်နေခဲ့တဲ့
တူရိယာတစ်လက်လည်း ဖြစ်သင့်တယ်။
.
အချိန်တွေကုန်လွန်ခဲ့ပါပြီ
လောင်းလှေကလေးဟာ လကမ္ဘာဆီခရီးထွက်ခဲ့ပါပြီ
ငါယစ်မူးနေသော အမှောင်တွေဟာလည်း အက်ကွဲခဲ့ပါပြီ။
.
ကံကြမ္မာဟာ..
စစ်သူကြီးတစ်ယောက်လို ငါ့ရင်ကိုပျက်စီးစေဖို့
ဗျူဟာတွေကျွမ်းကျင်လွန်းလှရဲ့။
မှောင်မိုက်သောတွင်းထဲက ဖားငယ်ကလေးလို
ငါဟာ သိမ်ငယ်မှုပန်းပွင့်တို့ တလွှားလွှားပွင့်ဝေလို့။
.
ယူကလစ်တောနဲ့ တူပါသော
အခက်အလက်ကလေးရေ..
စွန့်လွှတ်ခြင်းကျမ်းစာဟာ သက်ဝင်ပြောင်မြောက်ခဲ့ပြီ။
နေ့အလင်းနဲ့တူသော ချစ်ခြင်းမေတ္တာထဲမှာ
ညရဲ့အငွေအသက်တွေရောနှော၊
အရာရာဟာ သမိုင်းပုံပြင်ဆန်ခဲ့ပါပြီ။
.
ငါဟာ သက်ရှိလား၊ သက်မဲ့လား မသိတော့၊
နံရံပေါ်က..
ချစ်ခြင်းဖွဲ့စာသားတွေကို ငေးမောရင်း
ခေတ်အဆက်ဆက်ချစ်သူတွေရဲ့ သင်္ကေတတွေထဲမှာ
အမည်မဲ့သူရဲကောင်းကြီးဖြစ်နေခဲ့တဲ့ အကြောင်း
နေ့ကိုလည်း ပြောပြ၊ ညကိုလည်း ပြောပြ
လေထုထဲက ပန်းရနံ့တွေကိုလည်း ပြောပြ
လမ်းဘေးမှာ လေလွင့်နေတဲ့..
တိရိစ္ဆာန်ကလေးတွေနဲ့ စကားစမြည်မှာ
ငါ့အတိတ်တို့အတွက် ရွာတဲ့မိုးတွေသည်းခဲ့ရတယ်။
.
အခုထိပါပဲ..
ငါ့တူရိယာတွေမှာ
ဆင်မြန်းထားခဲ့တဲ့ သတ္တုကြိုးတွေထဲ..
မင်းဝိဥာဉ်တွေ နစ်ဝင်လို့။
.
အနုသုခုမတွေ ပျောက်ဆုံးတဲ့အခါ
ဟောင်းနွမ်းလေးသော ပြက္ခဒိန်တွေကို
အပြန်ပြန်လှန်ရှာဖွေမိတယ်။
နေ့၊ ရက် ၊ သက္ကရာဇ်တွေ လွန်းသီတဲ့ ကြိုးနဲ့
ငါ့ကမ္ဘာကိုချည်ခဲ့တဲ့ ပွင့်ဖတ်လွှာတွေထဲ
မင်းမျက်နှာတွေ အကြိမ်ကြိမ် မြင်မက်ခဲ့။
.
ခြောက်သွေနေတဲ့ သစ်ပင်တွေဟာ ငါ့အကကို ခိုးယူသွားတယ်
တိတ်ဆိတ်နေတဲ့ ညရဲ့လမ်းတွေဟာ ငါ့အထီးကျန်မှုကို ခိုးယူသွားတယ်
လစ်ဟာနေတဲ့ ဝိုင်ပုလင်းတွေဟာ ငါ့မျက်ရည်ကို ခိုးယူသွားတယ်။
.
နေ့ရက် မနက်တွေရောက်တိုင်း
ငါ့ရင်ခုန်သံအလံတော်ဟာ စိုစွတ်နေလျက်..
တလွင့်လွင့်မလူနိုင်တော့ပါ။
.
သစ်ရွက်တွေခေါ်ဆောင်ရာအတိုင်း
မြို့ရဲ့ခြောက်ကပ်နေတဲ့ အပိုင်းတွေဆီရောက်တဲ့အခါ
လမ်းမတွေထဲ နစ်မြုပ်နေတဲ့ ကျောက်စရစ်ခဲတွေထဲမှာ
ငါ့ကိုယ်ငါရှာဖွေနေရပေါ့။
.
လမ်းတွေဟာဝေးတယ်။
ငါအလွတ်ကျက်မှတ်ထားတဲ့ မြေပုံတွေရဲ့ ရတနာသိုက်ဆီ
ဘယ်သူက အရင်ရောက်နှင့်တာလဲ။
ငါ့ကိုညွှန်ပြနေတဲ့ လက်တွေဟာ
ဘယ်ဆီက လာခဲ့ကြတာလဲ။
ငါ့ကိုမပြုစားနိုင်တော့တဲ့ ငုဝါတွေဟာ
အက်ကွဲနေကြ။
.
အသီးအနှံတွေဟာ
အဆိပ်အပင်းတွေအဖြစ် ပြောင်းလဲသွားကြ။
ငါ့ရမ္မက်အတွက် မော့သောက်တဲ့
အဝါရည်တွေအကုန်လုံး ဆွံ့အသွားကြ။
အကြည်ရောင်တွေဟာ..
ကန္တရထဲက သဲတွေနဲ့ လူးလှိမ့်လို့..
ငိုယိုအော်ဟစ်ကြ။
ဆူးပင်တွေဟာ
ခြေကုန်လက်ပန်းကျနေကြ။
တိမ်တွေဟာ မာကျောလို့
မြေပြင်ဟာ အငွေ့ပျံကုန်ကြတဲ့
အဲဒီလိုအချိန်အခိုက်အတန့်တွေသာ
တစ်ကိုယ်ရည်တကာယ ညတွေကို
စည်းနှောင်ထားကြတော့တယ်။
.
မင်းသိရဲ့လား
သိလောက်ပါ့မလား
ဝေးကွားခြင်းဆိုတာရဲ့အနောက်မှာ
ဝေးကွာခြင်းလှိုင်းတွေ တဝုန်းဝုန်းရိုက်ခတ်
ငါ့နွားခြေရာခွက်ဟာ မုန်တိုင်းကမ္ဘာထန်ခဲ့ပြီ။
.
မခံနိုင်ဘူး..
အရူးတစ်ပိုင်းဆိုတဲ့ ဂီတဟာ
တရားလက်လွတ် ကျွံဝင်ခြင်းစိတ်သဒ္ဒါဆီက
လာတယ်။
ငါ့ဘဝထဲ..
ဘယ်စကားလုံးနဲ့ ငြိငြိ
ဂီတသံဖြစ်ပေါ်ရာ ဌာနဟာ
မင်းဆိုတဲ့ အကြောင်းတရားနဲ့..
လွန်လေပြီးသော ကြည်နူးခြင်းမြစ်ရေစီးသံဟာ
ဖောင်ဖွဲ့ခြင်းခံရပြီးတဲ့နောက်
သမာဓိအင်္ကျီဟာ ချေးအလိမ်းလိမ်းနဲ့ ပေရေကုန်ကြ။
.
ငါ့သီချင်းသံသင့်တဲ့ ငှက်အမျိုးအပေါင်းတို့
အိမ်ပြန်လမ်းပျောက်ကုန်ကြ။
ငါ့သုခုမကို လိပ်ပြာတွေတောင် ကြောက်ရွံ့ကြတော့တယ်။
.
ညနေခင်းအစင်းစင်းအပေါ် ငါ့စိတ်မိုးတွေရွာကျ
လှလှပပသက်တန့်တွေ ခင်းထားတဲ့
ရထားသံလမ်းတွေဆီက ညည်းညူသံကို ငါကြားတယ်။
သောက်လက်စ ချိုရီဝေသော အခါးတွေဟာ
ငါ့ရင်ထဲမှာ ကခုန်နေကြတယ်
မြစ်ကိုကြည့်ရင်း မူးနေပေါ့။
.
ကျိန်စာဟာ လှလှပပ
ငါ့အဆောင်အယောင်ဟာ ငါ့အရူးစိတ်သာဖြစ်တယ်။
ဝင့်ဝဲနေတဲ့ ပြာတွေဟာ
ငါ့ဝိဥာဉ်ကို လှောင်ရယ်တယ်။
မခံမရပ်နိုင်..
အော်ဟစ်မြည်တမ်းခြင်း တေးသံဟာ
တိတ်ဆိတ်လွန်းလှပါလား၊
ကြောက်မက်ဖွယ်။
.
ကံကြမ္မာဟာ ရုပ်ရှင်တစ်ကားလိုမဟုတ်
လေနှင်ခရီးဟာ ပျက်စီးခြင်းငါးပါးနဲ့
ငါ့သမာဓိဟာ ငါ့ကို ခွက်ထိုးခွက်လှန်ရီနေပေါ့ကွယ်။
.
အမျိုးအမည်မသိစိတ္တဇဖြစ်တဲ့ စာရွက်ဖြူကို စုတ်ဖြဲလိုက်တိုင်း
မီးပွားတွေ လျှံတက်လာတယ်။
အနာဂတ်ဟာ..
သိမ်းဆည်းထားတဲ့ တံဆိပ်ခေါင်းတွေနဲ့ ကျပ်ခဲလို့
ငါ့ချစ်ခြင်းမေတ္တာဟာ..
စာအိတ်တွေထဲမှာ လှောင်ပိတ်နေခဲ့ရ
မှုန်ကုပ်ကုပ်စာတိုက်ပုံးကလေးထဲမှာ
လဲလျောင်းအိပ်စက်နေခဲ့ရ
ငါ့ကိုယ်ငါ ရှာတွေ့ဖို့
အကြိမ်ကြိမ်ဖျက်ဆီးခဲ့ရပြီးတဲ့ ဝိဥာဉ်တွေဟာ
ယူကလစ်နံတွေရဲ့ ပြုစားမှုအောက်မှာ
စမ်းချောင်းဆန်ခဲ့ရ။
.
သာယာတဲ့ တေးသံတွေကို ညကမ္ဘာထဲရှာကြည့်မိတော့
ဖန်ကွဲစတွေပဲ ဟိုးအဝေးကလွင့်လာတယ်။
ငှက်တွေရဲ့ပုံတူဟာ
နှလုံးသားထဲက လွင့်စင်ပြေးထွက်ကုန်တဲ့
နာနာကျင်ကျင် တေးသံတွေပါပဲ။
.
ဟယ်လင်ရေ...
ငါ့ရဲ့ ကမ္ဘာကုန်တိုင်အောင် ဟစ်ကြွေးစီးဆင်းနေခဲ့မယ့်
မြစ်တစ်စင်းရေ..
ခရမ်းရင့်ရောင်ဂီတတွေ
မင်းတောင်တန်းတွေပေါ်ဖြတ်စီးနေပြီလား
ရှိုက်သံတွေဟာ မိုးခြိမ်းသံတွေလို အလွှာလွှာအထစ်ထစ်
အလိပ်လိပ်တက်ခဲ့ရ မြင်လေရာ ကွင်းပြင်တကာမှာ။
.
ဟယ်လင်ရေ..
မင်းသီချင်းသံတွေနဲ့ ကျစ်သီတဲ့ကြိုးတွေ
ငါ့အသည်းကို ဖျစ်ညှစ်ယူငင် ဆွဲခေါ်ကြပေါ့။
နာတယ်..ကျင်တယ်..ရက်စက်တဲ့ အငွေ့အသက်နဲ့
ငါ့ကိုထုံမွှမ်းထားတဲ့ ညတွေထဲ..
ငါ့ရုပ်ရည်နဲ့ တူလှပါသော စုန်းသံတွေ
ခြောက်ခြားထိတ်လန့်နေစေရဲ့။
.
တစ်ဘက်မှာမင်းကို နတ်ဒေဝါတွေ ကောင်းချီးသံနဲ့
တစ်ဘက်မှာ မင်းကို ဂြိုလ်ကောင်ဆိုးတွေ စုတ်ဖြဲမာန်ဖီခြင်းနဲ့
ငါ့ဟယ်လင်ကို လွှတ်ပေးပါ..
ငါ့ဟယ်လင်ကို ယူသွားပါ..
ငါ့ဟယ်လင်ရေ ငြိမ်းချမ်းပါစေ
ချွေးသံရွှဲရွှဲ အနက်ရောင်ကော်ဇော်ပေါ်
ငါဟာ အလူးလူးအလိမ့်လိမ့်။
.
အဲဒီဝင်္ကပါထဲမှာ..
မင်းအသားအရည်ရဲ့ ရောင်စဉ်တွေ
လင်းလက်လာလိုက်
မှောင်မိုက်သွားလိုက်
.
ငါ့မျက်ဝန်းတွေက..
မြင်ကွင်းတွေ နီးလာလိုက်၊ ဝေးသွားလိုက်
ငါတီးခတ်သမျှသော တေးသံတွေဟာ
ငါ့အဖျားကို စုပ်ယူနေကြပေါ့။
စိုစိုလက်လက်နှုတ်ခမ်းဟာ ဒဏ္ဍာရီဆန်လွန်းရဲ့ကွယ်။
ဘယ်လိုလက်တွေက တောင်ကုန်းတွေကို ချေမွနေခဲ့မလဲ
ဘယ်လိုလက်နက်တွေက
ပါးလွှာသောသဘာဝကို စုတ်ဖြဲနေခဲ့မလဲ။
.
ယူကျုံးမရဘူးကွယ်
ငါဟာ ယူကျုံးမရတဲ့ သွေးသားတွေ
လောင်စာလို..
တလှိုက်လှိုက် တဟုပ်ဟုပ် ဆူပွက်နေခဲ့။
ငါ့ကိုယ်ငါ တိုက်လေသော ကျိန်စာတွေ
ညကမ္ဘာထဲ တဝုန်းဝုန်း တဒိုင်းဒိုင်း။
.
ငါ့အရိုင်းစိုင်းဆုံးသော သက်ရှုသံပြင်းပြင်းတွေ
သဘာဝပေါက်ပင်တွေကို ကျိုးကြေပျက်စီးတဲ့အထိ
လောင်မီးကျစေခဲ့ပေါ့။
အကွဲကွဲအပြားပြားသော စိတ်တွေ
နိုင်ငံအမွှားအမွှားတည်သလို
လိမ်ကျစ်နှောင်တည်းနေသော ငါ့အသွေးအသားကမ္ဘာတွေ
စင်္ကြာဝဠာအထိ ကျွမ်းထိုးမှောက်ခုံ
အမှားမှားအယွင်းယွင်း။
.
ခမ်းနေတဲ့ မြစ်ထဲက ငါးတွေရဲ့ရယ်သံဟာ
ကြောက်မက်ဖွယ် ထစ်ချုန်းလို့
ငါကူးခတ်နေခဲ့တာ ဟယ်လင်ရေ...
.
လက်ဖဝါးတွေ..
ကျစ်ကျစ်ပါအောင်ဆုပ်ထားတဲ့အထဲ
ကောက်ရိုးမျှင်မျှင်တွေဟာ
မင်းရဲ့အဓိပ္ပာယ်တွေကြေမွလို့။
ချောင်းကြည့်ပေါက်သေးသေးလေးထဲက
မင်းမျက်နှာတစ်ခါလောက်မြင်ရချင်တယ်။
.
နံရံတွေကိုငါ ကြောက်လွန်းလို့ပါ..
ကြောက်မိနေတယ်။
ဝံပုလွေတစ်ကောင်
မင်းကို စားသုံးနေတာ တွေ့တယ်
ကြောက်မက်ဖွယ်တောကြီးထဲ
ဆူးတွေနဲ့ပြည့်နေပေါ့။
.
ငါ့အိပ်စက်ခြင်းကို ချောင်းကြည့်နေကြတယ်
ငါဟာ မလှုပ်မယှက်
ဟယ်လင်..ဟယ်လင်..အား..။
.
ချောက်ကမ်းပါးကြီးပေါ် ငါတက်သွားတယ်
နေရာအနှံ့မှာ မင်းကို စားသုံးနေကြတဲ့ ဝံပုလွေတွေ
ငါ့ကိုလှမ်းကြည့်ကြပေါ့..။
တိမ်တွေပေါ်မှာ..
မင်းက ပြဇာတ်ကို ဟားတိုက်ရယ်မောလို့..
ဟယ်...လင်...ရေ... ဟယ်လင်..ရေ...လို့
ငါဟာ ထိတ်လန့်တကြား..အော်နေခဲ့။
.
ဟယ်လင်ရေ...
ငါ့နားတွေ...ငါ့နားတွေကို ပြန်ခေါ်ပေးပါ
ငါ့နားတွေကို ပြန်ခေါ်ပေးပါဟယ်လင်။
ဆူးတွေအပြည့်နဲ့ မျက်နှာကျက်မှာ..
အဝါရောင်ကလေးငယ်လေးတစ်ယောက် ငါ့ကို
ချောက်ခြားဖွယ်ကြည့်နေတယ်..ကြည့်နေတယ်..။
.
ကျော်ညိုသွေး

gravatar

အရေးအသားပြုလုပ်ခြင်းနှင့် အနှောက်အယှက်ကင်းတဲ့ဝန်းကျင်

အရေးအသားပြုလုပ်ခြင်းနှင့် အနှောက်အယှက်ကင်းတဲ့ဝန်းကျင်
=================================
နေ့တိုင်းလိုလို စာရေးနေရတဲ့ စာရေးသူတစ်ယောက်နေရာမှာရောက်နေပြီဆိုရင် သူ့ရဲ့ အဓိကလုပ်ဆောင်ချက်က စာရေးတာပဲ။ စာဖတ်တာက ဒုတိယနေရာမှာ
ရောက်သွားပြီ။ စာရေးနိုင်ဖို့ ကြိုးစားလေ့ကျင့်နေတုန်းကတော့ စာဖတ်တာဟာ ပထမနေရာမှာပဲ။ စာတွေကို ကြိုးစားဖတ်မယ်။ စာအစုံဖတ်မယ်။ လေ့လာ
စုဆောင်းမယ်။ စာကိုမဖြစ်မနေရေးနေရပြီဆိုရင် စာဖတ်တာနည်းသွားမယ်။ မနည်းလို့လည်းမရဘူး။ စာကို အဓိကရေးနေရပြီကိုး။ အဲဒီတော့ စာဖတ်ချိန်မှာ ဘယ်စာဖတ်မယ်၊ ဘယ်လိုဖတ်မယ် ဆိုတာနဲ့ ဖတ်သမျှစာထဲက ရနိုင်သလောက် စုပ်ယူနိုင်စွမ်းအားမြှင့်နိုင်သလောက် မြှင့်ပြီး ဖတ်ကြရတော့တယ်။
.
စာရေးသူတစ်ယောက်အတွက် စာရေးဖို့အထောက်အပံ့ဆိုတာ စာအုပ်တွေရှိတာ ၊ စာဖတ်တာကိုပြောတာမဟုတ်ဘူး။ Accessories တွေကိုပြောတာလည်း မဟုတ်ဘူး။ စာရေးဖို့အတွက် အထောက်အပံ့က အာရုံစုစည်းနိုင်မှု အထောက်အပံ့ပဲ။ စာရေးတာဟာ ဘာသာစကားကိုကြားခံထားပြီး ဖန်တီးမှုပြုလုပ်တာပဲ။ အဲဒီအတွက် ဖန်တီးမှုကို အထောက်အကူပြုနိုင်မယ့် စိတ်အခြေအနေ၊ အသိုင်းအဝိုင်း နဲ့ ပတ်ဝန်းကျင်ကောင်းလိုအပ်တယ်။
.
အနည်းဆုံးတော့ ဓမ္မာရုံကနေ မနောသီချင်းကို loop လုပ်ပြီးဖွင့်ထားရင် စာရေးဖို့ စိတ်အနှောက်အယှက်ဖြစ်သေးတာပဲလေ။ ဒါပေမယ့် အဲဒီလို ဆူညံနေတာဟာ စိတ်ကို မထိခိုက်နိုင်ဘူး။ ဒါဟာ သက်မဲ့ ဖြစ်တယ်။ ပြီးတော့ ကိုယ့်မသိစိတ် ကို နောက်ဆံမတင်းစေဘူး။ ဆူညံခြင်းသက်သက်ပဲ။ ဒါပေမယ့် ကိုယ့်ရဲ့မသိစိတ် ကို နောက်ဆံတင်းစေတဲ့ အကြောင်းတရားတွေ ၊ လူမှုရေးအဆင်မပြေမှုတွေနဲ့ ပတ်လည်ဝိုင်းနေပြီဆိုရင် အဲဒီစာရေးသူအတွက် ဘာဖန်တီးမှုမှ ရှေ့ဆက်လို့
မရနိုင်ဘူး။
.
စာဖတ်သူဘဝမှာပဲရှိနေသေးတုန်းမှာတော့ စာဖတ်ခြင်းကနေ စာရေးဖို့ တွန်းအားဖြစ်စေတယ်။ စာကို အဓိကရေးတဲ့သူ တစ်ယောက်ဖြစ် သွား ပြီဆိုရင်
တော့ စာရေးခြင်းကနေ စာဖတ်ခြင်းဆီပြန်သွားကြရတယ်။ စာရေးနေရင်းနဲ့မှ စာဖတ်ချင်စိတ်ဖြစ်တဲ့ အချိန်ကများတယ်။ အဲဒီအတွက် စာရေးဖို့တောင်မှ စိတ်ကြည်လင်လန်းဆန်းမှုမရှိတော့တဲ့အခါ စာဖတ်ခြင်းဆိုတဲ့ဆီကို သွားဖို့ အတော်ကို ခက်ခဲသွားတယ်။
.
စာဆိုတာကလည်း ဖတ်မှဖြစ်မယ်..ဖတ်မှဖြစ်မယ် ဆိုပြီး တာဝန်ကြီးတစ်ရပ်လို ၊ ကျောင်းတုန်းက ဘာမှန်းညာမှန်းမသိဘဲ စာမေးပွဲအောင်ချင်စိတ်နဲ့ နင်းကန် တွန်းကျက်နေသလို စာဖတ်ရင် စာတစ်အုပ်သာဖတ်ပြီးသွားတယ်။ ဘာအကြောင်းအရာဖတ်လို့ ဖတ်မိမှန်းမသိ။ ခေါင်းထဲဘာမှ မဝင်ဘဲ ဖြစ်နေ တတ်တယ်။ ဖတ်ချင်စိတ်ကလေးအရင်းတည်ပြီး ရုပ်ရှင်တစ်ကားကို စိတ်လို
လက်ရ ကြည့်သလို ဖတ်လိုက်ရမှ သိပ်အရသာရှိတဲ့ စာဖတ်ခြင်းဆီ ကို ရောက်တာလေ။
.
စိတ်မပါရင် အပျော်ဖတ်ဝထ္ထုတောင်မှ ဖတ်ပျော်ခြင်းမရှိတော့လောက်အောင်
ဖစ်ရတယ်။ အဓိက ကတော့ စိတ်ပါပဲ။ အနှောက်အယှက်ကင်းတဲ့ စိတ်ပေါ့လေ။ အဲဒါလိုအပ်တယ်။
.
"လက်ရှိ တက်သစ်စ စာရေးဆရာတွေရော၊ စာရေးဝါသနာပါလို့ စာရေးနေတဲ့သူတွေရော ကိုယ်စာရေးတဲ့ဝါသနာကို အကောင်ဖော်နေတဲ့အခါ ကိုယ့်ရဲ့ အသိုင်းအဝိုင်း ၊ မိဘ ၊ သူငယ်ချင်း ၊ ချစ်သူ စတဲ့ သူတွေက ဘယ်လိုမျိုး အထောက်အပံ့တွေပေးနေသလဲ၊ စာရေးသူတစ်ယောက် စာရေးဖို့ ဘယ်လိုအထောက်အပံ့ကောင်းတွေ လိုအပ်သလဲ ဆိုတာ စာရေးတဲ့သူငယ်ချင်းတွေဆီက အကြံဥာဏ်ပဲဖြစ်ဖြစ်၊ ကိုယ်ရတဲ့ အထောက်အပံ့က ဘယ်လိုမျိုးအထောက်အပံ့တွေလဲဆိုတာဖြစ်ဖြစ် ပြောပြတာ သိချင်မိတယ်" လို့ Social Media ပေါ်မှာ မေးကြည့်တဲ့အခါ Facebook Friend တစ်ယောက်က အောက်ပါအတိုင်းဖြေခဲ့ပါတယ်။
.
"ဟုတ်ကဲ့ကျွန်မအမျိုးသားကတော့လက်ရှိမှာ ဘာသာပြန်စာအုပ်တွေရေးနေပါတယ်။ ဂျာနယ်တစောင်မှာလဲအယ်ဒီတာလုပ်နေပါတယ်။ သူ့အတွက်ကျွန်မကိုယ်တိုင်အားပေးမှုကတော့ တိတ်ဆိတ်ငြိမ်သက်တဲ့ပတ်ဝန်းကျင်တခုနဲ့ နားမပူဖို့ကတော့အဓိကအထောက်အပံ့ အနေနဲ့ပေးထားရပါတယ်။ ကျန်တာတော့သူ့ကို အများကြီးထောက်ပံ့ပေးစရာမလိုပါဘူး"
.
ကျော်ညိုသွေး