ချောကလက်အက်ဆေး

ချောကလက်အက်ဆေး
gravatar

လမ်းကြောင်းမတူတဲ့ အောင်မြင်မှုအပေါ် အားကျစိတ်မဖြစ်ပါနဲ့

လမ်းကြောင်းမတူတဲ့ အောင်မြင်မှုအပေါ် အားကျစိတ်မဖြစ်ပါနဲ့။
=================================

 လူတွေဟာ ဘဝဖြစ်လာကတည်းက ကိုယ့်ရဲ့ဘဝ၊ ကိုယ့်ရဲ့ ဗီဇစိတ်အခြေအနေနဲ့ သက်ဆိုင်တဲ့ ဘဝနေထိုင်မှုလမ်းကြောင်းဆိုတာရှိပါတယ်။ ဘဝမှာဖြစ်လာတဲ့ ရည်ရွယ်ချက်တွေ ၊ ရည်မှန်းချက်တွေဟာလည်း အဲဒီလို ဘဝအခြေအနေနဲ့ ဗီဇစိတ်အခြေအနေပေါ်မှာမူတည်ပြီး ဖြစ်ပေါ်လာခဲ့ကြတာပါပဲ။
.
ရည်ရွယ်ချက်ရှိတဲ့လူတိုင်းမှာ ကိုယ်သွားရမယ့်လမ်းကြောင်းဆိုတာရှိပါတယ်။ အဲဒီလမ်းကြောင်းကို ဖြောင့်ဖြောင့်တန်းတန်းလျှောက်ဖို့ဆိုရင် ကိုယ့်ရည်မှန်းချက်လမ်းကြောင်းတူ ပေါ်မှာ လျှောက်လှမ်းနေတာ မဟုတ်တဲ့လူတွေ ရဲ့ တိုးတက်မှုကိုကြည့်ပြီး သိမ်ငယ်စိတ်ကို ဖျောက်ထားမှရပါလိမ့်မယ်။
.
ကိုယ်ကဖြစ်ချင်တာကတမျိုး၊ လုပ်နေရတာတမျိုးဆိုတာမျိုး ဘဝမှာ တခါတလေကြုံရတတ်ပါတယ်။ ကိုယ်ရဲ့ရည်မှန်းချက်ကို အကောင်အထည်မဖော်နိုင်သေးခင်မှာ လှေကားထစ်အနေနဲ့ ကိုယ့်ရပ်တည်မှုကို ယိုင်နဲ့မသွားအောင်ဆိုတဲ့ အနေနဲ့ တခြားနယ်ပယ်တစ်ခုခုမှာ လုပ်ကိုင်နေရတာမျိုး ရှိနေတဲ့အခါ အဲဒီနယ်ပယ်မှာရှိတဲ့ သူတွေရဲ့ အောင်မြင်မရရလာဒ်တွေကို အားကျပြီး ကိုယ့်ရဲ့ရည်မှန်းချက်အတွက် ကြိုးစားမှုအပေါ် လျော့တိလျော့ရဲစိတ်ဖြစ်လာတတ်တာဟာ သဘာဝပါပဲ။
.
ကိုယ်က စာရေးဆရာဖြစ်ချင်တယ်။ ဒါပေမယ့်လည်း ကိုယ်ဝင်လုပ်နေတဲ့ အလုပ်က Marketing ကုမ္ပဏီဖြစ်နေတယ်။ အဲဒီမှာ ကိုယ့်ဘေးက တခြားလူတွေက ရာထူးတွေတိုးသွားတယ်၊ လစာတွေများသွားတယ် စသည်ဖြင့် တိုးတက်မှုတွေရှိနေတာကို ကြည့်ပြီး သိမ်ငယ်စိတ်မဝင်ဖို့တော့လိုပါတယ်။
ကိုယ်က ဘာဖြစ်ချင်တာလဲဆိုတာပေါ်မူတည်ပြီး ကိုယ်ရောက်တဲ့နေရာမှာ အကောင်းဆုံးလုပ်ဖို့လိုပါတယ်။ ကိုယ်သွားတဲ့လမ်းကြောင်းနဲ့ သူသွားတဲ့လမ်းကြောင်းနဲ့မတူရင် ဘဝမှာ ပြန်ရချက်တွေ ၊ ရာထူးတွေ ၊ ဝင်ငွေတွေ မတူတာကိုလည်း သတိပြုရပါမယ်။
.
ကိုယ့်လမ်းကြောင်းဆိုတာ ကိုယ်က ဒီအလုပ်တစ်ခုကို လုပ်ရင် ဘဝမှာ တစ်သက်လုံးပျော်ရမယ်။ ဒီအလုပ်က ဝင်ငွေရတဲ့အခါ ကိုယ့်ရဲ့ယုံကြည်မှုတွေ
တိုးလာမယ် စသည်ဖြင့် ကိုယ့်ကို ကျေနပ်နှစ်သိမ့်မှုပေးနိုင်တဲ့ အလုပ်ပါ။
.
ကိုယ် ကိုယ်တိုင်လျှောက်တဲ့လမ်းရဲ့ခက်ခဲမှုကို ကိုယ်တိုင်သိပါတယ်။ ကိုယ့်လမ်းကြောင်းနဲ့ သူ့လမ်းကြောင်းမတူရင် အတွေ့အကြုံလည်းမတူသလို နယ်ပယ်လည်း မတူပါဘူး။ ကိုယ့်လမ်းကြောင်းကို ကိုယ်တွေးတာသာ
ကိုယ့်ရည်မှန်းချက်ဆီကိုရောက်ဖို့ ခွန်အားဖြစ်စေမှာပါ။
.
ကိုယ် ကိုယ်တိုင်လည်း သူများရဲ့ ဖြစ်ထွန်းမှုကိုကြည့်ပြီး ကိုယ့်ရည်ရွယ်ရာလမ်းကြောင်းကို မေ့သွားလောက်တဲ့အထိအားကျနေခဲ့မိတယ်။ အဲဒီအခါ ကိုယ့်ရည်မှန်းချက်ကို သွားမယ့်ခြေလှမ်းတွေ တုန့်နှေးကုန်တော့တာပေါ့။
.
သူတပါးရဲ့ အောင်မြင်မှုကို ကြည့်ပြီး ကိုယ့်ကိုယ်ကို အားမလိုအားမရဖြစ်တာဟာ ကိုယ့်ရည်ရွယ်ရာလမ်းကြောင်းကိုခဏတာမေ့သွားခြင်းပါပဲ။ အဲဒီအခါ စိတ်ဓါတ်တွေကျလာမယ်။ စိတ်ဓါတ်တွေကျလာတဲ့အခါ ကိုယ့်အောင်မြင်မှုအတွက် ဖြည့်ဆည်းရမယ့်အတွေ့အကြုံတွေ အလေ့အကျင့်တွေကို လုပ်ဆောင်ဖို့ ပေါ့လျော့လာပါလိမ့်မယ်။
.
အဓိက က ကိုယ့်ကိုယ်ကိုသာရှေးရှုဖို့ လိုအပ်တာပါ။ မဖြစ်နိုင်သေးတဲ့ ရည်ရွယ်ချက်တွေ ၊ ပန်းတိုင်တွေဟာ ကိုယ့်ကို စောင့်နေကြတာပါ။ လမ်းခုလတ်မှာ သူတပါးရဲ့အောင်မြင်မှုကိုကြည့်နေမယ်ဆိုရင်တော့ ရည်ရွယ်ရာဆီ ရောက်ဖို့ အနည်းငယ်နှေးနေဦးမှာဖြစ်ပါတယ်။
.
သူလည်း သူ့ဘဝသူ့ရည်ရွယ်ချက်လမ်းကြောင်းပေါ်မှာလျှောက်နေတာဖြစ်တယ်။ သူ့လမ်းကြောင်းပေါ်မှာ လျှောက်လှမ်းရင်း သူ့အတွေ့အကြုံနဲ့သူရှိနေတာဖြစ်သလို ၊ ကိုယ်ကိုယ်တိုင်လည်း ကိုယ့်အတွေ့အကြုံနဲ့ ကိုယ်ပါပဲ။ ဒါကိုနားလည်ထားမယ်ဆိုရင် ကိုယ့်ရည်မှန်းချက်အတွက် ကိုယ်ကိုယ်တိုင်ဖြည့်ဆည်းရမယ့် အတွေ့အကြုံကောင်းတွေကို ရှာဖွေဖြည့်ဆည်းပြီး ကိုယ့်ရည်မှန်းချက်ပန်းတိုင်ဆီကို အရောက်လှမ်းနိုင်မှာပါ။
.
ဒါကြောင့် ကိုယ့်ဘဝကိုယ်တွေးပါ။ ကိုယ့်သဘာဝနဲ့ မတူတဲ့ လမ်းကြောင်းတွေကို မငေးပါနဲ့။ သိမ်ငယ်စိတ်ဝင်လာတတ်ပါတယ်။ သိမ်ငယ်စိတ်ဟာ တိုးတက်မှုလမ်းကြောင်းကို သိပ်ကို အတားအဆီးဖြစ်ပါတယ်။ ကိုယ့်ရဲ့ တက်ကြွမှုကိုလည်း ဆုတ်ယုတ်စေပါတယ်။
.
ကိုယ်တိုင်.. စိတ်ဓါတ်တွေသိပ်ကျနေတဲ့အခါ၊ ကိုယ့်ဘေးကချင်းချင်းတွေရဲ့ အောင်မြင်မှုကိုမြင်ရတဲ့အခါ ကိုယ့်စိတ်မှာဖြစ်ရတဲ့ သိမ်ငယ်နာကျင်မှုကို ဒီလိုနည်းလမ်းနဲ့ပဲ စဉ်းစားကျော်ဖြတ်ရပါတော့တယ်။ သူတို့အနေနဲ့ သူတို့ ဘဝ ၊ သူတို့ ဗီဇ ၊ သူတို့ဝါသနာနဲ့ သူတို့လမ်းကြောင်းဟာ ဘယ်လိုမျိုးလဲ ဆိုတာကို သိရှိပြီးတဲ့နောက် ကိုယ့်လမ်းကြောင်း၊ ကိုယ့်ဝါသနာ ၊ ကိုယ့်ဗီဇနဲ့ ကိုယ်ရဲ့ ရည်မှန်းချက်အတွက် ရှေ့ဆက်ရမယ့် နည်းလမ်းတွေကို စဉ်းစားခဲ့ရတယ်။
.
ကျော်ညိုသွေး

gravatar

ဟယ်လင်ရဲ့ကမ္ဘာ

ဟယ်လင်ရဲ့ကမ္ဘာ
.
အနက်ရောင်ပန်းတွေကြားထဲကလှမ်းမြင်ရတဲ့
ဟယ်လင်ရဲ့ နိုင်ငံတော်ဟာ
ဖြူလွလွ အဝတ်စတွေ တလွင့်လွင့်နဲ့။
.
အလွမ်းဆိုတာ..
နှစ်ပါးသွားပြဇာတ်ကိုကြည့်လို့ရတဲ့..
ကြည်နူးမှုမျိုးလိုမဟုတ်ဘူးဆိုတာ
မင်းသိလောက်ရဲ့။
.
အကြွေစေ့တွေ ပစ်မြှောက်လိုက်တိုင်း
ပြန်ကျလာတာက..
တကူးတက မိုးရေတွေပဲ
လက်ဖဝါးထဲမှာ မီးတောင်တွေထည့်သိမ်းထားတယ်။
.
ကြမ်းတမ်းပါစေ သည်းခံမယ်
လူဖြစ်ရတဲ့ ဘဝထဲက ခက်ခဲမှုတစ်ခုပဲ
ဝင်္ကပါတွေထဲက..
နှင်းဆီပန်းအကြွေတွေမြင်တိုင်း
ငတ်မွတ်နေတဲ့ အပြုံးကို
ဘယ်လိုအငွေ့ပျံပစ်စေခဲ့ရသလဲ
မင်းသိတယ်။
မင်းသိမယ်။
မင်းလည်း သိလောက်ရဲ့။
.
ငါ့ကိုယ်ငါလည်း ခွင့်မလွှတ်ဘူး။
ညတွေအပေါက်ပေါက်အပြဲပြဲဖြစ်နေခဲ့ရတာလည်း
ခွင့်မလွှတ်ဘူး။
လမ်းဆုံးပြီ။
ဘူတာရုံအိုလေးထဲ ကျန်နေခဲ့ပြီ။
ကြယ်ကြွေနေတဲ့..
အိပ်မက်တွေထဲက မင်းနှုတ်ခမ်းပင်လယ်ကို
လက်ပစ်ကူးရင်း ငါကျရှုံးခဲ့ပြီ။
.
ရင်ကွဲပက်လက်နွေထဲက
ငါ့အော်ဟစ်သံတွေတဆုံးမှာ
စပါးနှံတွေရင့်မှည့်ကုန်ကြပြီ။
.
မိုင်များစွာအဝေးဆီ..
တေးသံတွေ ခရီးထွက်သွားကြ
ဟန်းနီးမွန်းဆိုတဲ့ စကားလုံးကို
ငါ့အဘိဓါန်ထဲက စာမျက်နှာတွေထဲ
စုတ်ဖြဲလို့ထားခဲ့မယ်။
.
နှစ်ပါးသွားပြဇာတ်ဆိုတာ..
ထိုင်ငေးဖို့မဟုတ်ဘူး။
ကိုယ်တိုင်ပါဝင်ကပြဖို့
ဆန္ဒတွေ..
ဟောဒီကမ္ဘာထဲမှာ နစ်မြုပ်ဝင်နေခဲ့တာ
အသင်္ချေကြာခဲ့။
ငါမင်းကို အော်ခေါ်နေခဲ့တာ
အသင်္ချေကြာခဲ့။
တစ်မိနစ်၊ တစ်စက္ကန့်လေးတွေကြားထဲမှာတောင်
မင်းအသံကို ငါရှာမတွေ့နိုင်တော့ဘူး။
.
ကံကြမ္မာကို ကြိုဖတ်လို့ရရင်
တိမ်တွေဖြစ်ထွန်းလာတဲ့အထိ
ငါ့ကိုယ်ငါ ကျောက်ချလို့ထားခဲ့မိမှာပဲ
တွေးတယ်။
.
ဒီမြစ်ကို ငါမကူးခတ်လိုက်ရဘူး
ငါးတွေကို ငါမြင်တယ်
ဒီတောင်တန်းတွေကို ငါငေးမောရုံပဲ ကျေနပ်ခဲ့ရ။
.
မင်းလည်းသိမှာပဲ
သံခြေကျင်းခတ်ထားတဲ့ လူ့ဘဝအဖြစ်ကို
ငါကြိမ်ကြိမ်ငြင်းဆန်
ငါအကြိမ်ကြိမ် လက်ခံခဲ့ရ
.
ကြမ်းတမ်းလွန်းတဲ့ နူးညံ့မှုကို
ဇလီဖားတုံးတွေလို မျိုသိပ်ခဲ့ရ
ရင်ဝအထိတက်လာတဲ့ ဆန္ဒကို
ကျောက်ထွင်းကျိန်စာအဖြစ်စတေးပစ်ခဲ့ရ။
ကျောက်တုံးတွေထဲမှာ ငါ့အတ္တတွေ နစ်ဝင်နေတယ်
အဖြစ်အပျက်တွေဟာ ပုံပြင်ဆန်လွန်းနေတယ်
မိုးရေစက် တစ်စက်ချင်းစီတိုင်းရဲ့အဇ္ဖျတဟာ
မှောင်မိုက်နေတယ်။
.
ကဗျာဆန်သော နေ့ရက်တွေ..
ကြာဖြူတွေလိုပွင့်ခဲ့ပြီး ကျောက်ဖြစ်သွားခဲ့
ငါ့အာရုံတွေဟာ စွန်တစ်စင်းလို ပြတ်ကျခဲ့ပါပြီ
သူရဲကောင်းဆန်တဲ့ သီချင်းကို ငါမုန်းခဲ့ပါပြီ။
.
ပျော်ရွှင်ခြင်းတံဆိပ်ခတ်နှိပ်ထားတဲ့ ဖန်ခွက်အလွတ်တွေထဲ
သိမ်းပိုက်ခြင်းဝိုင်နီနီတွေ ထည့်သောက်ရင်း
မင်းတစ်ယောက် မူးရီလို့နေပြီလား။
အဆိပ်တွေကို ကြည်ဖြူတတ်သွားတော့မယ့် မင်းရဲ့ အနာဂတ်ကို
ငါကြိုမသိနိုင်တော့ဘူး။
.
ပိုးပုရွက်ကောင်တွေရဲ့ ကိုက်ခဲမှုက
ငါ့အနားယူချိန်တွေကို သိမ်းပိုက်သွားပြီးတဲ့နောက်ပိုင်း
ချိပ်ပိတ်ထားခဲ့တဲ့ တံခါးကို ဖျက်စီးပစ်ချင်တယ်။
.
မင်းကတော့ နောက်ကျနေတဲ့ ပျော်ရွှင်မှုထဲမှာ
ကျွဲတစ်ကောင်လို လူးနေတော့မယ်
ကြာဖြူတွေကို လှောင်ရယ်နေတော့မယ်
အမှားတွေဟာ အမှန်တွေပဲလို့ ယူဆနေတော့မယ်။
မစွန့်လွှတ်နိုင်ဘူးဆိုတဲ့ နိုင်ငံကို
ပျော်ရွှင်ခြင်းနဲ့ အလျော်အစားလုပ်နေတော့မယ်
အတိတ်ကို သတိရနေတဲ့အခါ
ပျော်ရွှင်ခြင်းဆိုတာ
နောက်ကျခြင်းလို့ အမည်တပ်နေတော့မယ်။
.
လူဖြစ်ရခြင်းက ပင်ပန်းလွန်းတယ်လို့ထင်တယ်
ဖိနပ်တစ်ရံဟာ အိပ်မက်တွေကို အရောင်တင်ပေးတယ်
ခွင့်လွှတ်စိတ်နဲ့ စုတ်ဖြဲခဲ့တဲ့ ကဗျာတစ်ပုဒ်ရဲ့ ပြာတွေကို
လှလှပပငေးနေလိမ့်မယ်။
.
တိမ်ဝါတွေထွန်းတဲ့ ညနေထဲက..
တနယ္တေက်းဆန္တဲ့အရပ္ကို
အထီးကျန်ကျန်ငေးမောဖို့လည်းမလိုတော့၊
ငုဝါတွေ တဖြည်းဖြည်းပွင့်လာမယ်
သံဝေဂတွေ တဖြည်းဖြည်း ရလာမယ်
မှန်တွေဟာ မင်းသံသယကို ဖြေလျော့ပေးလိမ့်မယ်
အလိုမရှိသော နှုတ်ခမ်းရဲ့ ပုံပြင်ဆန်ဆန် တေးဂီတကို
ယစ်မူးသာယာနေလိမ့်မယ်။
နှစ်ပါးသွားပြဇာတ်ထဲက မင်းသမီးလေးလို
အကအလှတွေနဲ့ ရင်တကာကို တုန်ရင်စေခဲ့ပြီးနောက်
နှစ်ပါးသွားပြဇာတ်ဆန်ခဲ့တယ်။
.
မင်းရဲ့ လျှို့ဝှက်သောဂီတကို
ငါနားထောင်ခဲ့သင့်တယ်။
ငါဟာ..
မင်းကိုယ်တိုင်ထွေးပိုက်တီးခတ်နေခဲ့တဲ့
တူရိယာတစ်လက်လည်း ဖြစ်သင့်တယ်။
.
အချိန်တွေကုန်လွန်ခဲ့ပါပြီ
လောင်းလှေကလေးဟာ လကမ္ဘာဆီခရီးထွက်ခဲ့ပါပြီ
ငါယစ်မူးနေသော အမှောင်တွေဟာလည်း အက်ကွဲခဲ့ပါပြီ။
.
ကံကြမ္မာဟာ..
စစ်သူကြီးတစ်ယောက်လို ငါ့ရင်ကိုပျက်စီးစေဖို့
ဗျူဟာတွေကျွမ်းကျင်လွန်းလှရဲ့။
မှောင်မိုက်သောတွင်းထဲက ဖားငယ်ကလေးလို
ငါဟာ သိမ်ငယ်မှုပန်းပွင့်တို့ တလွှားလွှားပွင့်ဝေလို့။
.
ယူကလစ်တောနဲ့ တူပါသော
အခက်အလက်ကလေးရေ..
စွန့်လွှတ်ခြင်းကျမ်းစာဟာ သက်ဝင်ပြောင်မြောက်ခဲ့ပြီ။
နေ့အလင်းနဲ့တူသော ချစ်ခြင်းမေတ္တာထဲမှာ
ညရဲ့အငွေအသက်တွေရောနှော၊
အရာရာဟာ သမိုင်းပုံပြင်ဆန်ခဲ့ပါပြီ။
.
ငါဟာ သက်ရှိလား၊ သက်မဲ့လား မသိတော့၊
နံရံပေါ်က..
ချစ်ခြင်းဖွဲ့စာသားတွေကို ငေးမောရင်း
ခေတ်အဆက်ဆက်ချစ်သူတွေရဲ့ သင်္ကေတတွေထဲမှာ
အမည်မဲ့သူရဲကောင်းကြီးဖြစ်နေခဲ့တဲ့ အကြောင်း
နေ့ကိုလည်း ပြောပြ၊ ညကိုလည်း ပြောပြ
လေထုထဲက ပန်းရနံ့တွေကိုလည်း ပြောပြ
လမ်းဘေးမှာ လေလွင့်နေတဲ့..
တိရိစ္ဆာန်ကလေးတွေနဲ့ စကားစမြည်မှာ
ငါ့အတိတ်တို့အတွက် ရွာတဲ့မိုးတွေသည်းခဲ့ရတယ်။
.
အခုထိပါပဲ..
ငါ့တူရိယာတွေမှာ
ဆင်မြန်းထားခဲ့တဲ့ သတ္တုကြိုးတွေထဲ..
မင်းဝိဥာဉ်တွေ နစ်ဝင်လို့။
.
အနုသုခုမတွေ ပျောက်ဆုံးတဲ့အခါ
ဟောင်းနွမ်းလေးသော ပြက္ခဒိန်တွေကို
အပြန်ပြန်လှန်ရှာဖွေမိတယ်။
နေ့၊ ရက် ၊ သက္ကရာဇ်တွေ လွန်းသီတဲ့ ကြိုးနဲ့
ငါ့ကမ္ဘာကိုချည်ခဲ့တဲ့ ပွင့်ဖတ်လွှာတွေထဲ
မင်းမျက်နှာတွေ အကြိမ်ကြိမ် မြင်မက်ခဲ့။
.
ခြောက်သွေနေတဲ့ သစ်ပင်တွေဟာ ငါ့အကကို ခိုးယူသွားတယ်
တိတ်ဆိတ်နေတဲ့ ညရဲ့လမ်းတွေဟာ ငါ့အထီးကျန်မှုကို ခိုးယူသွားတယ်
လစ်ဟာနေတဲ့ ဝိုင်ပုလင်းတွေဟာ ငါ့မျက်ရည်ကို ခိုးယူသွားတယ်။
.
နေ့ရက် မနက်တွေရောက်တိုင်း
ငါ့ရင်ခုန်သံအလံတော်ဟာ စိုစွတ်နေလျက်..
တလွင့်လွင့်မလူနိုင်တော့ပါ။
.
သစ်ရွက်တွေခေါ်ဆောင်ရာအတိုင်း
မြို့ရဲ့ခြောက်ကပ်နေတဲ့ အပိုင်းတွေဆီရောက်တဲ့အခါ
လမ်းမတွေထဲ နစ်မြုပ်နေတဲ့ ကျောက်စရစ်ခဲတွေထဲမှာ
ငါ့ကိုယ်ငါရှာဖွေနေရပေါ့။
.
လမ်းတွေဟာဝေးတယ်။
ငါအလွတ်ကျက်မှတ်ထားတဲ့ မြေပုံတွေရဲ့ ရတနာသိုက်ဆီ
ဘယ်သူက အရင်ရောက်နှင့်တာလဲ။
ငါ့ကိုညွှန်ပြနေတဲ့ လက်တွေဟာ
ဘယ်ဆီက လာခဲ့ကြတာလဲ။
ငါ့ကိုမပြုစားနိုင်တော့တဲ့ ငုဝါတွေဟာ
အက်ကွဲနေကြ။
.
အသီးအနှံတွေဟာ
အဆိပ်အပင်းတွေအဖြစ် ပြောင်းလဲသွားကြ။
ငါ့ရမ္မက်အတွက် မော့သောက်တဲ့
အဝါရည်တွေအကုန်လုံး ဆွံ့အသွားကြ။
အကြည်ရောင်တွေဟာ..
ကန္တရထဲက သဲတွေနဲ့ လူးလှိမ့်လို့..
ငိုယိုအော်ဟစ်ကြ။
ဆူးပင်တွေဟာ
ခြေကုန်လက်ပန်းကျနေကြ။
တိမ်တွေဟာ မာကျောလို့
မြေပြင်ဟာ အငွေ့ပျံကုန်ကြတဲ့
အဲဒီလိုအချိန်အခိုက်အတန့်တွေသာ
တစ်ကိုယ်ရည်တကာယ ညတွေကို
စည်းနှောင်ထားကြတော့တယ်။
.
မင်းသိရဲ့လား
သိလောက်ပါ့မလား
ဝေးကွားခြင်းဆိုတာရဲ့အနောက်မှာ
ဝေးကွာခြင်းလှိုင်းတွေ တဝုန်းဝုန်းရိုက်ခတ်
ငါ့နွားခြေရာခွက်ဟာ မုန်တိုင်းကမ္ဘာထန်ခဲ့ပြီ။
.
မခံနိုင်ဘူး..
အရူးတစ်ပိုင်းဆိုတဲ့ ဂီတဟာ
တရားလက်လွတ် ကျွံဝင်ခြင်းစိတ်သဒ္ဒါဆီက
လာတယ်။
ငါ့ဘဝထဲ..
ဘယ်စကားလုံးနဲ့ ငြိငြိ
ဂီတသံဖြစ်ပေါ်ရာ ဌာနဟာ
မင်းဆိုတဲ့ အကြောင်းတရားနဲ့..
လွန်လေပြီးသော ကြည်နူးခြင်းမြစ်ရေစီးသံဟာ
ဖောင်ဖွဲ့ခြင်းခံရပြီးတဲ့နောက်
သမာဓိအင်္ကျီဟာ ချေးအလိမ်းလိမ်းနဲ့ ပေရေကုန်ကြ။
.
ငါ့သီချင်းသံသင့်တဲ့ ငှက်အမျိုးအပေါင်းတို့
အိမ်ပြန်လမ်းပျောက်ကုန်ကြ။
ငါ့သုခုမကို လိပ်ပြာတွေတောင် ကြောက်ရွံ့ကြတော့တယ်။
.
ညနေခင်းအစင်းစင်းအပေါ် ငါ့စိတ်မိုးတွေရွာကျ
လှလှပပသက်တန့်တွေ ခင်းထားတဲ့
ရထားသံလမ်းတွေဆီက ညည်းညူသံကို ငါကြားတယ်။
သောက်လက်စ ချိုရီဝေသော အခါးတွေဟာ
ငါ့ရင်ထဲမှာ ကခုန်နေကြတယ်
မြစ်ကိုကြည့်ရင်း မူးနေပေါ့။
.
ကျိန်စာဟာ လှလှပပ
ငါ့အဆောင်အယောင်ဟာ ငါ့အရူးစိတ်သာဖြစ်တယ်။
ဝင့်ဝဲနေတဲ့ ပြာတွေဟာ
ငါ့ဝိဥာဉ်ကို လှောင်ရယ်တယ်။
မခံမရပ်နိုင်..
အော်ဟစ်မြည်တမ်းခြင်း တေးသံဟာ
တိတ်ဆိတ်လွန်းလှပါလား၊
ကြောက်မက်ဖွယ်။
.
ကံကြမ္မာဟာ ရုပ်ရှင်တစ်ကားလိုမဟုတ်
လေနှင်ခရီးဟာ ပျက်စီးခြင်းငါးပါးနဲ့
ငါ့သမာဓိဟာ ငါ့ကို ခွက်ထိုးခွက်လှန်ရီနေပေါ့ကွယ်။
.
အမျိုးအမည်မသိစိတ္တဇဖြစ်တဲ့ စာရွက်ဖြူကို စုတ်ဖြဲလိုက်တိုင်း
မီးပွားတွေ လျှံတက်လာတယ်။
အနာဂတ်ဟာ..
သိမ်းဆည်းထားတဲ့ တံဆိပ်ခေါင်းတွေနဲ့ ကျပ်ခဲလို့
ငါ့ချစ်ခြင်းမေတ္တာဟာ..
စာအိတ်တွေထဲမှာ လှောင်ပိတ်နေခဲ့ရ
မှုန်ကုပ်ကုပ်စာတိုက်ပုံးကလေးထဲမှာ
လဲလျောင်းအိပ်စက်နေခဲ့ရ
ငါ့ကိုယ်ငါ ရှာတွေ့ဖို့
အကြိမ်ကြိမ်ဖျက်ဆီးခဲ့ရပြီးတဲ့ ဝိဥာဉ်တွေဟာ
ယူကလစ်နံတွေရဲ့ ပြုစားမှုအောက်မှာ
စမ်းချောင်းဆန်ခဲ့ရ။
.
သာယာတဲ့ တေးသံတွေကို ညကမ္ဘာထဲရှာကြည့်မိတော့
ဖန်ကွဲစတွေပဲ ဟိုးအဝေးကလွင့်လာတယ်။
ငှက်တွေရဲ့ပုံတူဟာ
နှလုံးသားထဲက လွင့်စင်ပြေးထွက်ကုန်တဲ့
နာနာကျင်ကျင် တေးသံတွေပါပဲ။
.
ဟယ်လင်ရေ...
ငါ့ရဲ့ ကမ္ဘာကုန်တိုင်အောင် ဟစ်ကြွေးစီးဆင်းနေခဲ့မယ့်
မြစ်တစ်စင်းရေ..
ခရမ်းရင့်ရောင်ဂီတတွေ
မင်းတောင်တန်းတွေပေါ်ဖြတ်စီးနေပြီလား
ရှိုက်သံတွေဟာ မိုးခြိမ်းသံတွေလို အလွှာလွှာအထစ်ထစ်
အလိပ်လိပ်တက်ခဲ့ရ မြင်လေရာ ကွင်းပြင်တကာမှာ။
.
ဟယ်လင်ရေ..
မင်းသီချင်းသံတွေနဲ့ ကျစ်သီတဲ့ကြိုးတွေ
ငါ့အသည်းကို ဖျစ်ညှစ်ယူငင် ဆွဲခေါ်ကြပေါ့။
နာတယ်..ကျင်တယ်..ရက်စက်တဲ့ အငွေ့အသက်နဲ့
ငါ့ကိုထုံမွှမ်းထားတဲ့ ညတွေထဲ..
ငါ့ရုပ်ရည်နဲ့ တူလှပါသော စုန်းသံတွေ
ခြောက်ခြားထိတ်လန့်နေစေရဲ့။
.
တစ်ဘက်မှာမင်းကို နတ်ဒေဝါတွေ ကောင်းချီးသံနဲ့
တစ်ဘက်မှာ မင်းကို ဂြိုလ်ကောင်ဆိုးတွေ စုတ်ဖြဲမာန်ဖီခြင်းနဲ့
ငါ့ဟယ်လင်ကို လွှတ်ပေးပါ..
ငါ့ဟယ်လင်ကို ယူသွားပါ..
ငါ့ဟယ်လင်ရေ ငြိမ်းချမ်းပါစေ
ချွေးသံရွှဲရွှဲ အနက်ရောင်ကော်ဇော်ပေါ်
ငါဟာ အလူးလူးအလိမ့်လိမ့်။
.
အဲဒီဝင်္ကပါထဲမှာ..
မင်းအသားအရည်ရဲ့ ရောင်စဉ်တွေ
လင်းလက်လာလိုက်
မှောင်မိုက်သွားလိုက်
.
ငါ့မျက်ဝန်းတွေက..
မြင်ကွင်းတွေ နီးလာလိုက်၊ ဝေးသွားလိုက်
ငါတီးခတ်သမျှသော တေးသံတွေဟာ
ငါ့အဖျားကို စုပ်ယူနေကြပေါ့။
စိုစိုလက်လက်နှုတ်ခမ်းဟာ ဒဏ္ဍာရီဆန်လွန်းရဲ့ကွယ်။
ဘယ်လိုလက်တွေက တောင်ကုန်းတွေကို ချေမွနေခဲ့မလဲ
ဘယ်လိုလက်နက်တွေက
ပါးလွှာသောသဘာဝကို စုတ်ဖြဲနေခဲ့မလဲ။
.
ယူကျုံးမရဘူးကွယ်
ငါဟာ ယူကျုံးမရတဲ့ သွေးသားတွေ
လောင်စာလို..
တလှိုက်လှိုက် တဟုပ်ဟုပ် ဆူပွက်နေခဲ့။
ငါ့ကိုယ်ငါ တိုက်လေသော ကျိန်စာတွေ
ညကမ္ဘာထဲ တဝုန်းဝုန်း တဒိုင်းဒိုင်း။
.
ငါ့အရိုင်းစိုင်းဆုံးသော သက်ရှုသံပြင်းပြင်းတွေ
သဘာဝပေါက်ပင်တွေကို ကျိုးကြေပျက်စီးတဲ့အထိ
လောင်မီးကျစေခဲ့ပေါ့။
အကွဲကွဲအပြားပြားသော စိတ်တွေ
နိုင်ငံအမွှားအမွှားတည်သလို
လိမ်ကျစ်နှောင်တည်းနေသော ငါ့အသွေးအသားကမ္ဘာတွေ
စင်္ကြာဝဠာအထိ ကျွမ်းထိုးမှောက်ခုံ
အမှားမှားအယွင်းယွင်း။
.
ခမ်းနေတဲ့ မြစ်ထဲက ငါးတွေရဲ့ရယ်သံဟာ
ကြောက်မက်ဖွယ် ထစ်ချုန်းလို့
ငါကူးခတ်နေခဲ့တာ ဟယ်လင်ရေ...
.
လက်ဖဝါးတွေ..
ကျစ်ကျစ်ပါအောင်ဆုပ်ထားတဲ့အထဲ
ကောက်ရိုးမျှင်မျှင်တွေဟာ
မင်းရဲ့အဓိပ္ပာယ်တွေကြေမွလို့။
ချောင်းကြည့်ပေါက်သေးသေးလေးထဲက
မင်းမျက်နှာတစ်ခါလောက်မြင်ရချင်တယ်။
.
နံရံတွေကိုငါ ကြောက်လွန်းလို့ပါ..
ကြောက်မိနေတယ်။
ဝံပုလွေတစ်ကောင်
မင်းကို စားသုံးနေတာ တွေ့တယ်
ကြောက်မက်ဖွယ်တောကြီးထဲ
ဆူးတွေနဲ့ပြည့်နေပေါ့။
.
ငါ့အိပ်စက်ခြင်းကို ချောင်းကြည့်နေကြတယ်
ငါဟာ မလှုပ်မယှက်
ဟယ်လင်..ဟယ်လင်..အား..။
.
ချောက်ကမ်းပါးကြီးပေါ် ငါတက်သွားတယ်
နေရာအနှံ့မှာ မင်းကို စားသုံးနေကြတဲ့ ဝံပုလွေတွေ
ငါ့ကိုလှမ်းကြည့်ကြပေါ့..။
တိမ်တွေပေါ်မှာ..
မင်းက ပြဇာတ်ကို ဟားတိုက်ရယ်မောလို့..
ဟယ်...လင်...ရေ... ဟယ်လင်..ရေ...လို့
ငါဟာ ထိတ်လန့်တကြား..အော်နေခဲ့။
.
ဟယ်လင်ရေ...
ငါ့နားတွေ...ငါ့နားတွေကို ပြန်ခေါ်ပေးပါ
ငါ့နားတွေကို ပြန်ခေါ်ပေးပါဟယ်လင်။
ဆူးတွေအပြည့်နဲ့ မျက်နှာကျက်မှာ..
အဝါရောင်ကလေးငယ်လေးတစ်ယောက် ငါ့ကို
ချောက်ခြားဖွယ်ကြည့်နေတယ်..ကြည့်နေတယ်..။
.
ကျော်ညိုသွေး

gravatar

အရေးအသားပြုလုပ်ခြင်းနှင့် အနှောက်အယှက်ကင်းတဲ့ဝန်းကျင်

အရေးအသားပြုလုပ်ခြင်းနှင့် အနှောက်အယှက်ကင်းတဲ့ဝန်းကျင်
=================================
နေ့တိုင်းလိုလို စာရေးနေရတဲ့ စာရေးသူတစ်ယောက်နေရာမှာရောက်နေပြီဆိုရင် သူ့ရဲ့ အဓိကလုပ်ဆောင်ချက်က စာရေးတာပဲ။ စာဖတ်တာက ဒုတိယနေရာမှာ
ရောက်သွားပြီ။ စာရေးနိုင်ဖို့ ကြိုးစားလေ့ကျင့်နေတုန်းကတော့ စာဖတ်တာဟာ ပထမနေရာမှာပဲ။ စာတွေကို ကြိုးစားဖတ်မယ်။ စာအစုံဖတ်မယ်။ လေ့လာ
စုဆောင်းမယ်။ စာကိုမဖြစ်မနေရေးနေရပြီဆိုရင် စာဖတ်တာနည်းသွားမယ်။ မနည်းလို့လည်းမရဘူး။ စာကို အဓိကရေးနေရပြီကိုး။ အဲဒီတော့ စာဖတ်ချိန်မှာ ဘယ်စာဖတ်မယ်၊ ဘယ်လိုဖတ်မယ် ဆိုတာနဲ့ ဖတ်သမျှစာထဲက ရနိုင်သလောက် စုပ်ယူနိုင်စွမ်းအားမြှင့်နိုင်သလောက် မြှင့်ပြီး ဖတ်ကြရတော့တယ်။
.
စာရေးသူတစ်ယောက်အတွက် စာရေးဖို့အထောက်အပံ့ဆိုတာ စာအုပ်တွေရှိတာ ၊ စာဖတ်တာကိုပြောတာမဟုတ်ဘူး။ Accessories တွေကိုပြောတာလည်း မဟုတ်ဘူး။ စာရေးဖို့အတွက် အထောက်အပံ့က အာရုံစုစည်းနိုင်မှု အထောက်အပံ့ပဲ။ စာရေးတာဟာ ဘာသာစကားကိုကြားခံထားပြီး ဖန်တီးမှုပြုလုပ်တာပဲ။ အဲဒီအတွက် ဖန်တီးမှုကို အထောက်အကူပြုနိုင်မယ့် စိတ်အခြေအနေ၊ အသိုင်းအဝိုင်း နဲ့ ပတ်ဝန်းကျင်ကောင်းလိုအပ်တယ်။
.
အနည်းဆုံးတော့ ဓမ္မာရုံကနေ မနောသီချင်းကို loop လုပ်ပြီးဖွင့်ထားရင် စာရေးဖို့ စိတ်အနှောက်အယှက်ဖြစ်သေးတာပဲလေ။ ဒါပေမယ့် အဲဒီလို ဆူညံနေတာဟာ စိတ်ကို မထိခိုက်နိုင်ဘူး။ ဒါဟာ သက်မဲ့ ဖြစ်တယ်။ ပြီးတော့ ကိုယ့်မသိစိတ် ကို နောက်ဆံမတင်းစေဘူး။ ဆူညံခြင်းသက်သက်ပဲ။ ဒါပေမယ့် ကိုယ့်ရဲ့မသိစိတ် ကို နောက်ဆံတင်းစေတဲ့ အကြောင်းတရားတွေ ၊ လူမှုရေးအဆင်မပြေမှုတွေနဲ့ ပတ်လည်ဝိုင်းနေပြီဆိုရင် အဲဒီစာရေးသူအတွက် ဘာဖန်တီးမှုမှ ရှေ့ဆက်လို့
မရနိုင်ဘူး။
.
စာဖတ်သူဘဝမှာပဲရှိနေသေးတုန်းမှာတော့ စာဖတ်ခြင်းကနေ စာရေးဖို့ တွန်းအားဖြစ်စေတယ်။ စာကို အဓိကရေးတဲ့သူ တစ်ယောက်ဖြစ် သွား ပြီဆိုရင်
တော့ စာရေးခြင်းကနေ စာဖတ်ခြင်းဆီပြန်သွားကြရတယ်။ စာရေးနေရင်းနဲ့မှ စာဖတ်ချင်စိတ်ဖြစ်တဲ့ အချိန်ကများတယ်။ အဲဒီအတွက် စာရေးဖို့တောင်မှ စိတ်ကြည်လင်လန်းဆန်းမှုမရှိတော့တဲ့အခါ စာဖတ်ခြင်းဆိုတဲ့ဆီကို သွားဖို့ အတော်ကို ခက်ခဲသွားတယ်။
.
စာဆိုတာကလည်း ဖတ်မှဖြစ်မယ်..ဖတ်မှဖြစ်မယ် ဆိုပြီး တာဝန်ကြီးတစ်ရပ်လို ၊ ကျောင်းတုန်းက ဘာမှန်းညာမှန်းမသိဘဲ စာမေးပွဲအောင်ချင်စိတ်နဲ့ နင်းကန် တွန်းကျက်နေသလို စာဖတ်ရင် စာတစ်အုပ်သာဖတ်ပြီးသွားတယ်။ ဘာအကြောင်းအရာဖတ်လို့ ဖတ်မိမှန်းမသိ။ ခေါင်းထဲဘာမှ မဝင်ဘဲ ဖြစ်နေ တတ်တယ်။ ဖတ်ချင်စိတ်ကလေးအရင်းတည်ပြီး ရုပ်ရှင်တစ်ကားကို စိတ်လို
လက်ရ ကြည့်သလို ဖတ်လိုက်ရမှ သိပ်အရသာရှိတဲ့ စာဖတ်ခြင်းဆီ ကို ရောက်တာလေ။
.
စိတ်မပါရင် အပျော်ဖတ်ဝထ္ထုတောင်မှ ဖတ်ပျော်ခြင်းမရှိတော့လောက်အောင်
ဖစ်ရတယ်။ အဓိက ကတော့ စိတ်ပါပဲ။ အနှောက်အယှက်ကင်းတဲ့ စိတ်ပေါ့လေ။ အဲဒါလိုအပ်တယ်။
.
"လက်ရှိ တက်သစ်စ စာရေးဆရာတွေရော၊ စာရေးဝါသနာပါလို့ စာရေးနေတဲ့သူတွေရော ကိုယ်စာရေးတဲ့ဝါသနာကို အကောင်ဖော်နေတဲ့အခါ ကိုယ့်ရဲ့ အသိုင်းအဝိုင်း ၊ မိဘ ၊ သူငယ်ချင်း ၊ ချစ်သူ စတဲ့ သူတွေက ဘယ်လိုမျိုး အထောက်အပံ့တွေပေးနေသလဲ၊ စာရေးသူတစ်ယောက် စာရေးဖို့ ဘယ်လိုအထောက်အပံ့ကောင်းတွေ လိုအပ်သလဲ ဆိုတာ စာရေးတဲ့သူငယ်ချင်းတွေဆီက အကြံဥာဏ်ပဲဖြစ်ဖြစ်၊ ကိုယ်ရတဲ့ အထောက်အပံ့က ဘယ်လိုမျိုးအထောက်အပံ့တွေလဲဆိုတာဖြစ်ဖြစ် ပြောပြတာ သိချင်မိတယ်" လို့ Social Media ပေါ်မှာ မေးကြည့်တဲ့အခါ Facebook Friend တစ်ယောက်က အောက်ပါအတိုင်းဖြေခဲ့ပါတယ်။
.
"ဟုတ်ကဲ့ကျွန်မအမျိုးသားကတော့လက်ရှိမှာ ဘာသာပြန်စာအုပ်တွေရေးနေပါတယ်။ ဂျာနယ်တစောင်မှာလဲအယ်ဒီတာလုပ်နေပါတယ်။ သူ့အတွက်ကျွန်မကိုယ်တိုင်အားပေးမှုကတော့ တိတ်ဆိတ်ငြိမ်သက်တဲ့ပတ်ဝန်းကျင်တခုနဲ့ နားမပူဖို့ကတော့အဓိကအထောက်အပံ့ အနေနဲ့ပေးထားရပါတယ်။ ကျန်တာတော့သူ့ကို အများကြီးထောက်ပံ့ပေးစရာမလိုပါဘူး"
.
ကျော်ညိုသွေး

gravatar

အခြေအနေဆိုးရွားလွန်းနေသည့် ရန်ကုန်မြို့က ဘတ်စ်ကားများ
------------------------------------------------------------------------



အခုပုံကတော့ ရန်ကုန်မှာပြေးဆွဲနေတဲ့ Bus တွေရဲ့ ခရီးသည်တင်ဆောင်ထားပုံကို မြင်ယောင်ပြီးဆွဲထားတဲ့ ပုံ ၂ ပုံပဲဖြစ်ပါတယ်။ ရန်ကုန်က ခရီးသည်တင် Bus တွေမှာ ပုံထဲက အတိုင်း ခရီးသည်တွေကို တင်ဆောင်ပါတယ်။ ဘယ်ဘက်အခြမ်းမှာ သုံးယောက်ခုံတွေရှိပြီး ၊ ညာဘက်အခြမ်းမှာတော့ ၂ ယောက်ထိုင်ခုံတွေရှိပါတယ်။ အလယ်မှာ ၃ တန်း တန်းထားပါတယ်။
.
ရန်ကုန်ထဲမှာ ခရီးသည်အပြည့်နဲ့ တင်ဆောင်လာတဲ့ တချို့သော Bus တွေကို ကြည့်လိုက်တဲ့အခါ ကားဟာ ညာဘက်အခြမ်းကို စောင်းနေတာကိုတွေ့ရပါလိမ့်မယ်။ အဲဒါဟာ ပုံမှာပြထားတဲ့အတိုင်း ခရီးသည်တင်ဆောင်လာတာကြောင့်ပဲဖြစ်ပါတယ်။
.
ဘယ်ဘက်အခြမ်းဟာ ညာဘက်အခြမ်းထက် ခရီးသည်ပိုတင်ထားတယ်ဆိုပေမယ့်လည်း ကားကို အလယ်တည့်တည့်ကနေ သုံးတန်းတန်းပြီး လူပြန်တင်တဲ့အတွက် ၂ ယောက်ထိုင်ခုံဘက်အခြမ်းဖြစ်တဲ့ ညာဘက်အခြမ်းဟာ လူအရေအတွက်ပိုများသွားပါတယ်။ ပြီးတော့ ကားရဲ့ညာဘက်အခြမ်းမှာပဲ လူအဆင်းအတက် အပေါက်တွေရှိနေတာဖြစ်ပြီး အပေါက်ဝဘက်နေရာများမှာလည်း လူတွေထပ်တင်ထားတာကြောင့် ကားကို အလယ်ကနေ Balanced ချကြည့်တဲ့အခါ ကားရဲ့ညာဘက်အခြမ်းက အလေးချိန်ပိုများပြီး ကားဟာ ညာဘက်အခြမ်းကို စောင်းနေတာပဲဖြစ်ပါတယ်။
.
အဲဒီအတွက် ကားရဲ့ ညာဘက်အခြမ်းက ကားဘီးများဟာကြံ့ခိုင်မှုအားပိုနည်းလာပြီး ဘီးပေါက်တာတွေ ၊ ချို့ယွင်းချက်တွေ ဖြစ်လာတတ်ပါတယ်။ ဖြစ်လေ့ဖြစ်ထရှိတဲ့ ကားတစ်ဘက်ခြမ်းကို လဲပြီး မှောက်တာမျိုးဟာ အဲဒီလိုအခြေအနေတွေကြောင့်ပဲဖြစ်ပါတယ်။ တံတားပေါ်အတက် ၊ လမ်းအကွေ့များမှာဆိုရင် အဲဒီလို တစ်ဘက်စောင်းနေတဲ့ ကားများကွေ့လိုက်တာဟာ သိပ်ကို အသည်းယားစရာကောင်းသလို ၊ ထိတ်လန့်စရာလည်း ကောင်းလှပါတယ်။
.
ကျွန်တော်ကိုယ်တိုင်ကတော့ ရန်ကုန်မြို့ထဲမှာ ကားစီးဖို့ ကြုံတိုင်း အဲဒီလို အခြေအနေဖြစ်နေတဲ့ ကားမျိုးကို ရှောင်လွှဲပြီး စီးလေ့ရှိပါတယ်။
.
ကားရဲ့ကြံ့ခိုင်မှု ၊ ခရီးသွားပြည်သူတွေရဲ့ အန္တရာယ်ကြုံတွေ့နိုင်မှုဟာ မြို့တွင်းပြေးဆွဲနေတဲ့ Bus တွေရဲ့ ခရီးသည်ထိုင်ခုံတွေ တပ်ဆင်ထားရှိမှုနဲ့ အများကြီးသက်ဆိုင်နေပါတယ်။
.
ဒါ့အပြင် အရှိန်ပြင်းစွာမောင်းနှင်မှုကြောင့် အရှိန်မထိန်းနိုင်ဘဲ တိမ်းမှောက်ရတဲ့ အကြောင်းအရင်းတွေထဲမှာ အဲဒီလို တစ်ခြမ်းစောင်း Bus များကလည်း အများစုဖြစ်နေတာ အားလုံးအသိပဲဖြစ်မှာပါ။
.
ဒီလိုမျိုးအဖြစ်တွေကို ထိန်းသိမ်းဖို့လိုအပ်နေပါပြီ။ ယာဉ်စည်းကမ်း၊ လမ်းစည်းကမ်းလို့ ဆိုရာမှာ လမ်းပေါ်က ကားပြိုင်မောင်းတာတွေတင်မက ၊ ကားရဲ့ခရီးသည်တင်ထိုင်ခုံတွေ တည်ဆောက်ပုံအနေအထားတွေကိုလည်း စစ်ဆေးအရေးယူသင့်တယ်လို့ ထင်မြင်မိပါတယ်။
.
တချို့သောကားများမှာဆိုရင် ခရီးသည်တင်ထိုင်ခုံများဟာ လူဝင်လို့ မရလောက်အောင်ဘဲ ကျပ်ညပ်စွာ တစ်ခုံနဲ့တစ်ခုံ နီးနီးကပ်ကပ် တပ်ဆင်ထားတာကြောင့် ထိုင်လို့မရ ၊ ထွက်လို့ မရတဲ့ အခြေအနေတွေတောင်ရှိနေပါတော့တယ်။
.
ပြောရရင် ရန်ကုန်တစ်မြို့လုံးက Bus ကားပေါင်းစုံကို စီးဖူးတဲ့သူတစ်ယောက်အနေနဲ့ အဲဒီလို တစ်ခြမ်းစောင်းကားတွေဟာ မ.ထသ ယဉ်လိုင်းတွေမှာ အများစုဖြစ်နေတာကိုတွေ့ရပါတယ်။ ဘယ်ဘက်က သုံးယောက်တွဲခုံ ၊ ညာဘက်က နှစ်ယောက်တွဲခုံဖြစ်ပေမယ့်လည်း မ.ထ.သ Bus များမှာကတော့ သုံးယောက်ထိုင်ခုံဟာ ၃ ယောက်အပြည့်မဆံ့ဘဲ ၂ ယောက်ခွဲသာ ဆံ့ပါတယ်။ အဲဒါကြောင့် ၃ ယောက်ခုံမှာ ထိုင်တဲ့အခါ ပြတင်းပေါက်နဲ့ နီးတဲ့ လူနှစ်ယောက်သာ အပြည့်ထိုင်နိုင်ပြီး အလယ် Roll ဘက်ရောက်တဲ့ တစ်ယောက်ကတော့ ထိုင်ခုံကို ကိုယ်တစ်ခြမ်းထိုင်လို့ ကျန်တဲ့ ကိုယ်တစ်ခြမ်းကတော့ အလယ်လမ်းကို အားပြုပြီး ခြေထောက်နဲ့ ထောက်လို့ စီးရပါတယ်။ တခြားသော ပါရမီ ၊ အဓိပတိကားလိုင်းများမှာတော့ ဘယ်ဘက်သုံးခုံတွဲဟာ သေချာတဲ့ ဖင်ထိုင်ခုံအခွက်နဲ့ဖြစ်သလို ၊ ညာဘက်အခြမ်းဟာလည်း အနေအထားတူ ၂ ခုံတွဲဖြစ်ပါတယ်။
.
မ.ထသ ယဉ်လိုင်းက Bus များဟာ ပြုပြင်ထိန်းသိမ်းမှု ညံ့ဖျင်းတာဟာ အများပြည်သူအသိပါပဲ။ တချို့သော ကားများဟာဆိုရင် လက်ကိုင်တန်း မပြည့်စုံတာတွေဖြစ်နေတာမျိုးရှိသလို ၊ ထိုင်ခုံတွေ ယိုင်ရွဲ့နေတာမျိုးရှိပါတယ်။ တချို့ကားများမှာဆိုရင် ကားရဲ့အပေါ်ဘက် လက်ကိုင်တန်းတွေကို ဝါးလုံးတွေနဲ့ တန်းထားတာတောင်ရှိနေခဲ့ပါတယ်။
.
လှိုင်သာယာ ၊ ရွှေပြည်သာ စတဲ့ နေရာများကနေ ရန်ကုန်မြို့တွင်းဖြစ်တဲ့ မြေနီကုန်း ၊ ရွှေဂုံတိုင် ၊ လမ်းမတော် ၊ ဆူးလေ စတဲ့နေရာများကို သွားရောက်ပြီး အလုပ်လုပ်ကြရတဲ့သူတွေဟာ ဒီလို မ.ထ.သ ရဲ့ ကားအဟောင်းတွေပေါ်မှာ ကျပ်ကျပ်ညပ်ညပ်စီးကြရတာပါ။ အဲဒီလိုအခြေအနေမှာ ကိုင်စရာတန်းမပြည့်မစုံဖြစ်သလို ၊ ကားကျပ်တာကြောင့် ခြေထောက်နှစ်ဘက်ကို သေချာမထောက်နိုင်ဘဲ၊ ခြေထောက်တစ်ချောင်းကိုသာ အားပြုပြီး ကားစီးရတဲ့ ဒါဏ်တွေကြောင့် ကြာရှည်မှာ ခြေထောက်နာကျင်တဲ့ဝေဒနာတွေလည်း ခံစားကြရပါတယ်။
.
အသက် ၁၇ နှစ်ကတည်းက ရန်ကုန်မြို့ထဲသွားလို့ သင်တန်းတက် ၊ အလုပ်လုပ်ရင်းစီးခဲ့တဲ့ Bus ကားစီးတဲ့ အတွေ့အကြုံဟာ အခုလို အသက် ၃၂ နှစ်ပြည့်တဲ့အခါ ၁၅ နှစ်ဝန်းကျင်ရှိခဲ့ပါပြီ။ ၁၅ နှစ်လုံးလုံး ရန်ကုန် ဘတ်စ်ကားစီးရင်း အချိန်တော်တော်များများ မတ်တပ်ရပ်ရတဲ့ဒါဏ်တွေဟာ မနက်လင်းတိုင်း ခြေဖနာင့်နာတဲ့ ဝေဒနာကို ခံစားရင်း အိပ်ရာထခဲ့ရတာပါပဲ။ ဒါတွေ ဘယ်တော့များမှ လွန်မြောက်မှာလဲ။
.
ဘာပဲဖြစ်ဖြစ် မကျေလည်မှု ၊ တင်းကျပ်မှု ၊ အလိုမကျမှုတွေဖြစ်တိုင်း လုပ်လေ့လုပ်ထရှိတဲ့ စကားလုံးတွေ ၊ စာသားတွေ ရေးချတာကတော့ အကျင့်ပါနေခဲ့ပါပြီ။ ခြေဖနောင့် နာကျင်တဲ့ ဝေဒနာကို လက်ချောင်းထိပ်တွေ ကွန်ပျူတာလက်ကွက်တွေဆီ ထိကပ် ပြေးလွှားစာရိုက်ရင်း ဘဝအမောကို ဖြေရတော့တာပါပဲ။
.
ကျော်ညိုသွေး
http://www.facebook.com/KyawNyoThway
.
#Yangon_Bus #Hamburger_KNT #Daily_Life_In_Yangon #Transpotations

gravatar

အာဇာနည်ဆိုတာ

အာဇာနည်ဆိုတာ…
.
မြန်မာနိုင်ငံမှာနေ၊ မြန်မာစစ်စစ်တစ်ယောက်ဖြစ်ပြီး မြန်မာစကားကို ကျွမ်းကျင်စွာပြောဆိုနေပေမယ့်လည်း နေ့စဉ်သုံးနှုန်းပြောဆိုနေတဲ့ စကားထဲက အဓိပ္ပာယ်တွေကို စေ့စေ့ငုငုသိတဲ့သူကတော့ ရှားပါလိမ့်မယ်။ ဘယ်နိုင်ငံက ဘယ်လူမျိုးပဲဖြစ်ဖြစ် ၊ ဘယ်သူပဲဖြစ်ဖြစ် ကိုယ့်မိခင်ဘာသာစကားထဲက တချို့သောစကားလုံးတွေရဲ့အဓိပ္ပာယ်တွေကို သေချာမသိတာများပါတယ်။ မြန်မာစကားကို နေ့စဉ်ပြောဆိုနေကြတဲ့အထဲမှာ မွေးစားစကားလုံးတွေ ၊ ပါဠိစာလုံးတွေပါဝင်နေသလို ၊ တချို့စကားလုံးတွေဟာလည်း အဓိပ္ပာယ်
ရွေ့လျားမှုကြောင့်ဖြစ်ပေါ်လာတာမျိုးရှိကြပါတယ်။
.
ကျွန်တော်တို့ နေ့စဉ်ပြောဆိုနေကြတဲ့ မြန်မာစကားထဲက တချို့သောစကားလုံးတွေဟာ အဓိပ္ပာယ်မသိဘဲပြောဆိုနေကြတာဖြစ်ပါတယ်။ အဓိပ္ပာယ်မသိရင် စကားပြောလို့ ဘယ်ရမှာလဲလို့ မေးချင်မေးနိုင်ပေမယ့်၊ အဲဒါက တကယ်ပါပဲ။ ကျွန်တော်တို့အနေနဲ့ တချို့စကားလုံး တွေကို သတ်မှတ်ချက် ၊ နာမည် တစ်ခုအနေနဲ့သာ အပေါ်ယံသုံးနှုန်းပြောဆိုနေကြပေမယ့် တကယ့်တကယ်တမ်း မှာတော့ အဲဒီ စကားလုံး၊ နာမည် ၊ သတ်မှတ်ချက်တစ်ခုရဲ့ အဓိပ္ပာယ်ရင်းမြစ်ကို မသိကြတာမျိုးရှိပါတယ်။ အဲဒါက သူသူကိုယ်ကိုယ်ပါပဲ။
.
နေ့စဉ်ပြောဆိုနေကြပေမယ့် လူအများစုဟာ အဓိပ္ပာယ်ရင်းမြစ်ကိုမသိဘဲပြောဆိုနေကြရုံသာမကဘဲ၊ တချို့သောသူများအနေနဲ့ အဓိပ္ပာယ်လွဲမှားမှတ်ယူနေကြတာမျိုးရှိနေတဲ့ စကားလုံးတွေလည်း အများအပြားပဲရှိနေပါတယ်။ အဲဒီထဲကမှ အထင်ရှားဆုံးတစ်ခုကို ဥပမာ ထုတ်ပြောရရင် “အာဇာနည်” ဆိုတဲ့စကားလုံးပဲ ဖြစ်ပါတယ်။
.
အာဇာနည်ဆိုတာဘာလဲဆိုတဲ့ မေးခွန်းကို မေးလိုက်မယ်ဆိုရင်တော့ များသောအားဖြင့်ပြန်လည်ဖြေဆိုကြမှာက ဗိုလ်ချုပ်အောင်ဆန်း နဲ့ အတူ တိုင်းပြည်အတွက်အသက်စွန့်ပြီး တာဝန်ထမ်းဆောင်သွားကြတဲ့ပုဂ္ဂိုလ်တွေကို ဆိုလိုတယ်လို့ အကြမ်းအဖျဉ်းသိထားကြ၊ ဖြေကြမှာပဲဖြစ်ပါတယ်။
.
ဒါပေမယ့် အာဇာနည်ဆိုတဲ့စကားလုံးရဲ့ အဓိပ္ပာယ်ရင်းမြစ်ကတော့ ဒီထက်ပိုမိုတဲ့အဓိပ္ပာယ်ရှိပါတယ်။ ဗိုလ်ချုပ်အောင်ဆန်းနဲ့အတူ ရှစ်ဦးသော ပုဂ္ဂိုလ်တွေဟာ တိုင်းပြည်အတွက် အလုပ်လုပ်ရင်း အသက်စွန့်လိုက်ရတယ်။ အဲဒီအတွက် လူမှုဝန်းကျင်တစ်ခုလုံးက သူတို့ကို အာဇာနည်ရယ်လို့ သတ်မှတ်ပြီး ဂုဏ်ပြုကြတယ် ၊ ဂုဏ်ယူကြတယ်။ တကယ့်ကိုအာဇာနည်တွေပါပဲ။
.
အဲဒီလိုသိထားကြတဲ့အတွက် တချို့တချို့တွေရဲ့ စိတ်မှာစွဲမှတ်ထားကြတာက တိုင်းပြည်အတွက်အသက်စွန့်သွားကြတဲ့သူတွေဟာ အာဇာနည်ဖြစ်တယ် ဆိုတဲ့ အချက်ကလေးတစ်ချက်တည်းကိုပဲ စွဲမှတ်ထားကြပါတယ်။ အလွယ်ပြောရရင်တော့ အသက်သေဆုံးမှသာ အာဇာနည်လို့ သတ်မှတ်လို့ရသလိုမျိုး စိတ်မှာစွဲထင်မှတ်နေကြပါတယ်။
.
အာဇာနည် ဆိုတဲ့စကားလုံးရဲ့ အဓိပ္ပာယ်ရင်းမြစ်ဟာ အာဇာနီယ၊ အာဇာနေယျ ဟူသော ပါဠိက ဆင်းသက် လာခြင်း ဖြစ်ပါတယ်။ “အာဇာနည်” ကို မြန်မာအဘိဓာန်က “အကြောင်းဟုတ်သည်၊ မဟုတ်သည်ကို ကောင်းစွာသိသူ၊ သာမန်ထက် လက်ရုံးရည်၊ နှလုံးရည် ထူးကဲသာလွန်၍ အများအတွက်သက်စွန့်ကြိုးပမ်းဆောင်ရွက်သူ” လို့ အဓိပ္ပာယ်ဖွင့်ဆိုထားပါတယ်။

ဦးဟုတ်စိန် ပါဠိ - မြန်မာ အဘိဓာန် က ခြင်္သေ့ အာဇာနည်၊ မြင်း အာဇာနည်၊ ဆင် အာဇာနည်၊ နွားလား ဥဿဘ အာဇာနည်၊ ယောက်ျား အာဇာနည်၊ ရဟန္တာပုဂ္ဂိုလ်ဆိုပြီး အာဇာနည်ခြောက်မျိုးရှိကြောင်း သရုပ်ထုတ်ပြထားပါတယ်။ “အာဇာနည်” ဆိုတဲ့စကားလုံးရဲ့ အဓိပ္ပာယ်အဖွင့် အားလုံးကတော့ ဘုရားဟောစာပေကို အခြေခံထားကြပါတယ်။
အာဇာနည် ပုဂ္ဂိုလ်ဆိုတာကတော့ အကြောင်း ဟုတ်၊ မဟုတ်၊ အကောင်း၊ အဆိုး၊ အမှား၊ အမှန်ကို မှန်မှန်ကန်ကန်ခွဲခြားသိနိုင်စွမ်းတဲ့ပုဂ္ဂိုလ်ပဲ ဖြစ်ပါတယ်။ “အာဇာနည်ပုဂ္ဂိုလ်တို့ဟာ သာမန်ပုဂ္ဂိုလ်တို့ထက် လက်ရုံးရည်လည်းသာလွန် ရမည်။ နှလုံးရည်လည်းသာလွန်ရမည်။ အများအတွက်ဆိုလျှင်ကိုယ့် အသက်ပင်စွန့်ဝံ့သူ၊ စွန့်ရဲသူဖြစ်ရမည်။” လို့ တချို့သောမှတ်တမ်းမှတ်ရာများက ဆိုထားကြပါတယ်။
.
*[အာဇာနိယ ပုဒ် ကို ပါဠိ၊ သဒ္ဒါ ဆရာများက "အာ သော ကာရဏာ ကာရဏံ ဇာနာ တီတိ အာဇာ နီယော" ဟု ၀ိဂြိုဟ် ပြုကြ ၏။ အဓိပ္ပါယ်က အကြောင်း ဟုတ်သည်၊ မဟုတ်သည်၊ အမှား၊ အမှန်ကို ပြင်းပြင်းထန်ထန်သိသူ ဟု ဆိုလို၏။ “အာ” ကို ဘုသော ဟု ဖွင့်၏။ ဘုသော ၏ အနက် က ပြင်းပြင်းထန်ထန် ဟု ဖြစ်၏။ သာမန်သိခြင်းမျိုးမဟုတ်။ ပြင်းပြင်းထန်ထန်သိခြင်းမျိုးဖြစ်၏။ ထို့ကြောင့် အာဇာနည်ဆိုတာ အကြောင်း ဟုတ်၊ မဟုတ်၊ အမှား၊ အမှန် ကို ပြင်းပြင်း ထန်ထန် သိသူ ဖြစ်၏။ သူများတကာထက်ပိုပြီးသိ၏။ သူများ တကာထက်ပိုသိသဖြင့် ကောင်းမြတ်မှန်ကန်သောအလုပ်ကို သူများတကာထက် ပို၍လုပ်၏။

ဘုရားရှင် က ပညာ သတ္တ - ပညာ ဓား၊ ပညာ ၀ုဓ - ပညာလက်နက်ဟု ပညာကို ဓားတို့၊ လက်နက်တို့နှင့် တင်စားထား၏။ ဓားဆိုတာ လှီးဖို့၊ ဖြတ်ဖို့၊ သတ်ဖို့ ဖြစ်၏။ လက်နက်ဆိုတာလည်း ရိုက်ဖို့၊ သတ်ဖို့ ပင် ဖြစ်၏။ ပညာတည်းဟူသော အသိဉာဏ်ဓားလက်နက်တို့ဖြင့် ငါ၊ ငါ့ဟာ၊ ငါ့ ဥစ္စာ၊ ငါ့ နီးစပ်ရာ၊ ငါ့ အသိုင်း အ၀ိုင်းဟု ခံယူထားသော အတ္တကိုလှီးရမည်၊ ဖြတ်ရမည်၊ သတ်ရမည်၊ နှိမ်နင်းရမည်၊ အတ္တကို လှီးနိုင်၊ ဖြတ်နိုင်၊ သတ်နိုင်၊ ခွာနိုင်၊ နှိမ်နင်းနိုင်လေ ပရအတွက်၊ ပရကောင်းကျိုးကို ပိုပြီးပြုနိုင်လေ၊ ကြိုးပမ်းဆောင်ရွက်နိုင်လေ ဖြစ်၏။ အမှန်ကလည်း အာဇာနည်ဆိုတာ ကိုယ်ကျိုးမငဲ့ကွက် ပရဟိတအများကောင်းကျိုးကို သူမတူစွာ ထူးထူးကဲကဲ ဆောင်ရွက်သူများ ကို ခေါ်ဆိုခြင်း ဖြစ်၏။
.
ပညာပါရမီပါလာသဖြင့် အသိဉာဏ်ပညာကြီးမားသော ဉာဏ်ကြီးရှင်အာဇာနည်ပုဂ္ဂိုလ်တို့သည် ပြင်းပြင်းထန်ထန်သိသဖြင့် ပြင်းပြင်း ထန်ထန်ကြိုးစားကြ၏။ ပြင်းပြင်းထန်ထန်အလုပ်လုပ်ကြ၏။ ထိုသို့ပြင်းပြင်းထန်ထန်ကြိုးစားအလုပ်လုပ်ကြသဖြင့် ပြင်းပြင်းထန်ထန် အောင်မြင်ပြီးအများ၏အကြည်ညိုခံ၊ အကိုးကွယ်ခံ၊ အမြတ်နိုးခံ၊ အလေးစားခံ ထူးမြတ်သော ပုဂ္ဂိုလ်ကြီးတွေအဖြစ် မော်ကွန်းတင်ရစ်ကြ၏။
.
သာသနာရေးဘက်ကကြည့်လျှင်ကျေးဇူးတော်ရှင် အမရပူရမဟာဂန္ဓာရုံဆရာတော်ဘုရား၊ ကျေးဇူးတော်ရှင် မဟာစည်ဆရာတော် ဘုရားကြီးတို့သည် အများတကာထက် ထူးကဲသော ပညာပါရမီ ရှင်၊ ဉာဏ်ကြီးရှင်များဖြစ်သဖြင့် ဆိုင်ရာသာသနာအလုပ်တွေကို ပြင်းပြင်းထန်ထန်လုပ်သွားတော်မူကြသောပုဂ္ဂိုလ်ကြီးများဖြစ်၏။ ထို့ကြောင့်သာသနအာဇာနည်ပုဂ္ဂိုလ်ကြီးတွေအဖြစ် မော်ကွန်းတင်ရစ် ၏။ အာဇာနည်ဟူသည် လူမြင်ကောင်းရုံ၊ လူကြားကောင်းရုံ၊ အောင်မြင်ကျော်ကြားမှုကို အလေးဂရုပြု၍ ဟန်ပြအလုပ်လုပ်သော ပုဂ္ဂိုလ် တို့နှင့် မတန်မရာသော ဝေါဟာရဖြစ်သည်။
.
ဘုရားဟော ပါဠိတော်ကို ပြန်ကောက်လျှင် အာဇာနည်ပုဂ္ဂိုလ်ဆိုတာ ကိုယ်ကျင့်သီလပြည့်စုံရမည်။ ကိုယ့်ကျင့်တရားကောင်းရမည်။ စာရိတ္တမဏ္ဍိုင် ကျောက်စာတိုင်ကဲ့သို့မြဲခိုင်ရမည်။ တရားမျှတရမည်။ ဘက်လိုက်မှုကင်းရမည်။ အဂတိတရား ကင်းရှင်းရမည်။ လောဘ၊ ဒေါသ၊ မောဟစသည့်အစွန်းများမထွက်စေရ၊ အနစ်နာခံနိုင်ရမည်။ ကိုယ်ကျိုးစွန့်နိုင်ရမည်။ အတ္တကိုနှိမ်နင်းနိုင်ရမည်။ ပရကိုဦးစားပေး ရမည်။ အာဇာနည်တို့၏ အဓိကအချက်သည် အနစ်နာခံနိုင်ခြင်း၊ ကိုယ်ကျိုးစွန့်ခြင်း၊ ပရကိုဦးစားပေးခြင်းဖြစ်၏။ ဒါကပထမ အချက် ဖြစ်သည်။
.
ဒုတိယအချက်က ၀ီရိယကောင်းရမည်။ ဦးတည်ချက် ပန်းတိုင်ထားရှိပြီး ထိုပန်းတိုင်ကို မရောက်မချင်း၊ မဖြစ်မချင်း၊ မရမနေ ပြင်းပြင်း ထန်ထန်ကြိုးစားဆောင်ရွက်ရမည်။ တတိယအချက်က အတတ်ပညာ၊ အသိပညာ၊ ဗဟုသုတ ပြည့်စုံရမည်။ တတ်ရမည်၊ သိရမည်၊ ဗဟုသုတကြွယ်ရမည်၊ အမြင်ကျယ်ရမည်၊ စာပေဗဟုသုတလိုက်စားရမည်၊ စာဖတ်အားကောင်းရမည်၊ ပညာဟူသည် အမှန်တရားကို သိ၍အမှန်တရားကိုမြတ်နိုးသည်။ အမှန်တရားကို တန်ဖိုးထားသည်။ အမှန်နှင့်အမှားဟူသည် ကြားနေ၀ါဒမရှိ၊ ကြားနေ၍ မရ၊ တစ်ဖက် ဖက်သာနင်းရမည်။ အာဇာနည်သည် အမှန်တရားဘက်၌သာခြေစုံရပ်ထားသည်။
.
မိမိလုပ်ရပ်တိုင်းသည် အမှန်တရားနှင့်ညီညွတ်ရမည်။ အမှန်တရားဘောင်အတွင်းမှာပဲ ရှိရမည်။ မိမိအမြတ်နိုးဆုံးအရာသည် အမှန် တရားသာ ဖြစ်ရမည်။ မိမိသိုမှီးစုဆောင်းနေသော အရာသည် အမှန်တရားသာဖြစ်သည်။ အမှန်တရားအတွက်ဆိုလျှင် အသက်စတေး နိုင်သူဖြစ်ရမည်။ ဒါမှအာဇာနည်မည်သည်။]* လို့ အရှင်သံဝရာ လင်္ကာရ ( ဓမ္မပိယ ဆရာတော် ) ရဲ့ ဟောပြောချက်အရ သိရပါတယ်။
.
[ ဒီပင်္ကရာဘုရားရှင်လက်ထက်တော်တုန်းက ရမ္မဝတီဆိုတဲ့ မြို့တော်ကို ဘုရားရှင်နဲ့ နောက်ပါ သံဃာတော် လေးသိန်းတို့ကကြွလာဖို့ရှိတဲ့အခါ အဲဒီလိုကြွလာမယ့် လမ်းမကြီးကိုပြုပြင်ကြပါတော့တယ်။ အဲဒီအချိန်မှာ ဈန်ရ ရသေ့တစ်ပါးဖြစ်တဲ့ ဘုရားလောင်းသုမေဓါရှင်ရသေ့က သူ့အနေနဲ့လည်း ဒီလိုလမ်းပြုပြင်တဲ့နေရာမှာ ပါဝင်ပြီး ကုသိုလ်ယူချင်တယ်လို့ ဆိုတဲ့အတွက် အဲဒီလမ်းတစ်နေရာမှာရှိနေတဲ့ ဘယ်သူမှပြုပြင်ဖို့ သေသေချာချာမစွမ်းနိုင်တဲ့ ဗွက်အထူဆုံးနေရာကြီးကို တာဝန်ပေးလိုက်ကြတယ်။
.
အဲဒီလိုနဲ့ ဘုရားရှင်မလာခင်အချိန်အတွင်းမှာလမ်းကိုပြုပြင်ခဲ့ကြပေမယ့် တကယ်တမ်းဘုရားရှင်နဲ့ နောက်လိုက်သံဃာလေးသိန်းတို့ ကြွချီလာတဲ့အခါမှာတော့ သုမေဓါရှင်ရသေ့တာဝန်ယူပြုပြင်နေတဲ့နေရာက ဗွက်ထူတဲ့အပိုင်းအခြားဟာ ပြုပြင်ပြီးစီးဖို့ ခန္ဓာကိုယ်တလျားစာလောက်ကျန်နေသေးသတဲ့။ အဲဒီအခါမှာ သုမေဓါရသေ့ဟာ "ငါတာဝန်ယူထားတဲ့အပိုင်း မပြီးစီးတဲ့အတွက်တော့ ဘုရားရှင်ခရီးစဉ် လစ်ဟင်းမှုမရှိစေရဘူး" ဆိုပြီး ကျန်နေတဲ့တလျားစာ ပေါ်မှာ မိမိရဲ့ခန္ဓာကိုယ်ကိုအလျားလိုက်ခင်းပြီး ဘုရားရှင်ကို နင်းလျှောက်ဖြတ်သန်းစေခဲ့တယ်။
.
အဲဒီလိုအပြုအမူကိုတွေ့မြင်ရသူအပေါင်းက “အာဇာနေယျော = အံ့သြလောက်အောင်တွေ့မြင်ရခဲသူပါတကား” လို့ ဝိုင်းဝန်းအသိအမှတ်ပြုကြသတဲ့။ အဲဒီလို မိမိခန္ဓာကိုယ်ကိုခင်းပြီး လမ်းအဖြစ်အသုံးပြုဖို့ ကုသိုလ်ယူခဲ့တဲ့ သုမေဓါရှင်ရသေ့ကို ဒီပင်္ကရဘုရားရှင်ဟာ ဘုရားလောင်းအဖြစ် ဗျာဒိတ်ပေးတော်မူခဲ့တယ်။
.
“အာဇာနေယျ” ဆိုတာ နေရာတိုင်းမှာတွေ့ရဖို့ အလွန်ခဲယဉ်းတဲ့ပုဂ္ဂိုလ်လို့ အဓိပ္ပာယ်ရကြောင်းသိရပါတယ်။ အာဇာနည်ဆိုတာ နေရာဒေသတိုင်းမှာ ဖြစ်နိုင်၊ ရှိနိုင်၊ တွေ့ရနိုင်တဲ့ ပုဂ္ဂိုလ်မျိုးမဟုတ်ပါဘူး။
.
အာဇာနည်လို့သတ်မှတ်ရာမှာ သူရဲ့စွန့်လွှတ်နိုင်စွမ်းအရ အဆင့်အတန်း (၅) မျိုးလောက် ခွဲခြားသတ်မှတ်နိုင်ပါတယ်လို့ သိရပါတယ်။

(၁) ဓနပရိစ္စာဂ= တိုုင်းကျိုး၊ ပြည်ကျိုး၊ အများအကျိုးအတွက် စည်းစိမ်ဥစ္စာ၊ ရာထူးအာဏာတွေကို မငဲ့မကွက် စွန့်လွှတ်နိုင်သူ။
.
(၂) ပုတ္တပရိစ္စာဂ= သားသမီး အတွယ်အတာတို့ကို အလားတူစွန့်လွှတ်နိုင်သူ။
.
(၃) ဘရိယပရိစ္စာဂ = ဇနီး,ခင်ပွန်း အတွယ်အတာအထိ စွန့်လွှတ်နိုင်သူ
.
(၄) အင်္ဂပရိစ္စာဂ= မျက်စေ့၊ နား၊ နှာ၊ အင်္ဂါခြေ၊ လက်တို့အထိစွန့်နိုင်သူ
.
(၅) ဇီဝိတပရိစ္စာဂ=ကိုယ်နဲ့အသက်ကိုပင် မငဲ့မကွက် ရက်ရက်စက်စက် စွန့်နိုင်တဲ့သူ
.
အဲဒီလို အမျိုးအစား (၅) မျိုးခွဲခြား သတ်မှတ်ထားတဲ့အထဲမှာ “ဇီဝိတပရစ္စာဂ”
ကတော့ အဆင့်အမြင့်ဆုံး အာဇာနည်ပါပဲလို့ ဆိုပါတယ်။ အသက်သေတာ မသေတာနဲ့ မဆိုင်ပါဘူး၊ ပဓာနမထားတာပါပဲ။
.
သုမေဓါရှင်ရသေ့ရဲ့ ကုသိုလ်ပြုမှုမှာ တကယ်တမ်း ဘုရားရှင်နဲ့ နောက်ပါ ရဟန်းလေးသိန်းစလုံး သုမေဓါရှင်ရသေ့ခင်းပေးတဲ့ သူ့ခန္ဓာကိုယ်ပေါ်ကနေနင်းပြီးကြွမယ်ဆိုရင် သူ့ခန္ဓာကိုယ် ကြေမွပြီး အသက်ဆုံးရှုံးသွားနိုင်လောက်တာပေါ့။ ဒါကို ထည့်တွက်၊ ငဲ့ကွက်ခြင်းမပြုဘဲ ယူထားတဲ့တာဝန်၊ ပေးထားတဲ့ကတိ ကျေပွန်ဖို့သာ ပဓာနထားခဲ့တာကြောင့် “အာဇာနည်” လို့ ခေါ်တာပဲဖြစ်ပါတယ်။ သုမေဓါရှင်ရသေ့အနေနဲ့ ခန္ဓာကိုယ်ခင်းပြီး ကုသိုလ်ပြုခဲ့ပေမယ့် ဘုရားရှင်နဲ့ နောက်ပါသံဃာတော်လေးသိန်းက နင်းလျှောက်ခြင်းမပြုခဲ့တဲ့အတွက် အသက်တော့ မသေခဲ့ဘူးပေါ့။ ဒါပေမယ့် အထက်ကပြောခဲ့သလို အသက်ကိုပဓာနမထားဘဲ လုပ်သင့်လုပ်ထိုက်တာကို အသက်စွန့်လွှတ်ဖို့အထိရည်ရွယ်ပြီးလုပ်ခဲ့တဲ့အတွက် အာဇာနည်ခေါ်ဆိုထိုက်တာပဲဖြစ်ပါတယ်။
.
ဒီအာဇာနည်ရဲ့ဆုံးဖြတ်လုပ်ကိုင်ပုံကိုကြည့်ပြီး- ဒီပင်္ကရာဘုရားရှင်က နင်းကြွတော်မမူပါဘူး။
သူ့အားအစွမ်းဟာ "ကြိုးစားရင် ဘုရားဖြစ်နိုင်သူ စင်စစ်"လို့ သူ့အရည်အသွေးမှန်ကို သိမြင်တော်မူပါတယ်။
.
အဲဒါကြောင့် ဒီပင်္ကရဘုရားရှင်က သုမေဓါရှင်ရသေ့ကိုမိန့်တော်မူတယ်။
.
ဘုရားရှင်က သုမေဓါရှင်ရသေ့ကို ရွေးချယ်ခွင့် (၂) မျိုး ပေးတယ်။

(၁) တစ်ကိုယ်စာလွတ်မြောက်မှုကို လိုချင်တယ်ဆိုရင် ငါဘုရားအနေနဲ့ ဂါထာဝက်(အက္ခရာ ၁၆လုံး) လောက် ဟောညွှန်ပေးရုံနဲ့ သင်ဟာ အာသဝေါကုန်ခမ်းတဲ့ ရဟန္တာအဖြစ်နဲ့ နိဗ္ဗာန်ချမ်းသာကို မျက်မှောက်ပြုနိုင်မယ်။
(၂) ငါဘုရားတို့ လာရာလမ်းကြောင်းအတိုင်း စွမ်းစွမ်းတမံအားထုတ် မယ်ဆိုရင်တော့ ငါဘုရားလိုပဲ သတ္တဝါတွေကို ဒုက္ခကနေကယ်တင်နိုင်စွမ်းတဲ့ “သဗ္ဗေညု” ဘုရားတစ်ဆူဖြစ်မယ်.. လို့ ဗျာဒိတ်ပေးပြီး ရချင်တဲ့အဖြစ်ကို ရွေးချယ်တော်မူစေခဲ့ပါတယ်။
.
အဲဒီအခါမှာ သုမေဓါရှင်ရသေ့က “သတ္တဝါအများအကျိုးအတွက် အမြင့်ဆုံးအထိ ကယ်တင်နိုင်စွမ်းရှိတဲ့ ယောက်ျားကောင်းဖြစ်လျက်နဲ့ တစ်ကိုယ်တည်းနိဗ္ဗာန်ကိုသွားလို့ ဘာအကျိုးထူးမှာလဲ” ဆိုပြီး ဒုတိယလမ်းကို ရွေးချယ်ခဲတယ်။ အသိဥာဏ်ကြီးတဲ့ ပုဂ္ဂိုလ်တွေတောင် လိုလားတောင့်တနေတဲ့ အတုမရှိချမ်းသာကြီးဖြစ်တဲ့ နိဗ္ဗာန်ကိုတောင် ငြင်းပယ်ခဲ့တာလည်း “အာဇာနည်”ပါပဲ။ တကယ်ရပြီးမှ စွန့်တာမဟုတ်ဘဲ ရနိုင်ခွင့်ကိုသာ ငြင်းပယ်ခဲ့တာဖြစ်လို့ “စွန့်ခြင်းကြီး” စာရင်းထဲတော့ အသွင်းမခံရဘူးပေါ့။

ပြောရမယ်ဆိုရင် အာဇာနည် ဆိုတာ အသက်သေခြင်း ၊ မသေခြင်းနဲ့ မသက်ဆိုင်သလို ၊ အသက်အရွယ်ကြီးခြင်း ၊ မကြီးခြင်းနဲ့ မသက်ဆိုင်ပါဘူး။ အများအကျိုးအတွက် ကိုယ်ကျိုးမဖက်ဘဲ စွန့်လွှတ်စွန့်စား ကြိုးစားဆောင်ရွက်သူမှန်သမျှ အာဇာနည်ဖြစ်ထိုက်ပါတယ်။ ]*
.
လူမှုဝန်းကျင်မှာသိရှိထားတာကတော့ အာဇာနည်ဆိုတာ အများအကျိုးအတွက် အသက်ပေးလိုက်ရသူလို့ လွဲမှားသိရှိနေကြတာအများအပြားပါပဲ။ တကယ်တော့ အသက်သေမှ အာဇာနည်ဖြစ်တာမဟုတ်ပါဘူး။ သူ့လုပ်ရပ်အပေါ်မှာပဲမူတည်ပါတယ်။ ပုဂ္ဂိုလ်တစ်ဦးအနေနဲ့ အများအကျိုးအတွက် စွမ်းစွမ်းတမံစွမ်းဆောင်ပြီး ကိုယ်ကျိုးတွေ ပေးဆပ်စွန့်လွှတ်ခဲ့တာဟာ အာဇာနည်တစ်ဦးရဲ့ လုပ်ရပ်ပါပဲ။
.
အဲဒီတော့ အာဇာနည်လို့ ခေါ်ဆိုထိုက်တဲ့သူဆိုတာ လက်ရှိလူမှုဝန်းကျင်မှာ ရှိတဲ့ ဘယ်လိုလူမျိုးလို့ ထင်မြင်မိပါသလဲ။ ကျဆုံးသွားမှ ၊ အသက်သေသွားမှ အာဇာနည်ရယ်လို့ ခေါ်တွင်ထိုက်တာမဟုတ်ပါဘူး။ အသက်မသေသေးပေမယ့်လည်း လက်ရှိမှာ ပြည်သူလူထုအတွက် ရှေ့တန်းကနေ မားမားမတ်မတ်ရပ်တည်ပြီး ၊ ကိုယ်ကျိုးမဖက်တဲ့ ပုဂ္ဂိုလ်မျိုး၊ အန္တရာယ်တွေ၊ ပိတ်ပင်တားဆီးမှုတွေရှိနေပေမယ့်လည်း အများအကျိုးအတွက်ဖောက်ထွက်စွမ်းဆောင်ခဲ့သူတိုင်းကို “အာဇာနည်” လို့ခေါ်ဆိုထိုက်ပါကြောင်း…။
.
ကျော်ညိုသွေး
=========================================

|အောက်ခြေမှတ်စု|
* ပြထားပြီး [ ] ဖြင့်ခတ်ထားသော နေရာများမှ အချက်အလက်များသည်
ဆရာတော်ကြီးများ၏ ဟောပြောချက်များကို ပြန်လည်ကိုးကားထားခြင်းဖြစ်ကြောင်းနှင့် ၄င်းဟောပြောချက်များမှ ထုတ်နှုတ်၊ယူငင် သုံးစွဲထားကြောင်း ဝန်ခံပါသည်။
------------------------------------------------------------------------------------
|ကိုးကားချက်များ|
၁။ “ဓမ္မဘေရီအရှင်ဝီရိယ(တောင်စွန်း)” ၏ သြဝါဒများ
၂။ အရှင် သံဝရာ လင်္ကာရ ( ဓမ္မပိယ ဆရာတော် ) ၏ သြဝါဒများ
--------------------------------------------------------------------------------------

|ရည်ညွန်းစာမျက်နှာနှင့် စာအုပ်စာတမ်း|
၁။ http://blog.moemaka.com
၂။ http://ahchitsone.blogspot.com
၃။ http://amayeainn.blogspot.com
၎။ http://www.simon-vlog.com
၆။ ဦးဟုတ်စိန် - ပါဠိ - မြန်မာ အဘိဓာန်
=========================================

gravatar

အာရုံထဲက အမျှင်များ(ဆောင်းပါး)


အာရုံထဲက အမျှင်များ
-----------------------
ရုပ်တစ်ခု စိတ်ကိုးဆယ် ဆိုတဲ့စကားရှိနေသားနဲ့ ကိုယ်ကတော့ လူတိုင်းအပေါ်မှာ တသမတ်တည်းပဲ လို့ ပြောနေတတ်တဲ့ လူတွေမြင်ရင် ကျွန်တော်ကတော့ ရယ်ချင်ချင်သာ ဖြစ်မိပါတယ်။ စိတ်ဆိုတာ အချိန်တစ်စက္ကန့်တည်းမှာတင် ၂ ခါလောက်ပြောင်းနေတတ်တာပဲလေ။ လူတစ်ယောက်အတွက် စိတ်(အဆိုး၊ အကောင်း) ပြောင်းလဲခြင်းဆိုတာ လူတစ်ယောက်အတွက် ၂ မျိုး ၂ စားတည်းမက အမျိုးအစားအများအပြား
ဖြစ်ပေါ်နေနိုင်တယ်။ ဥပုသ်နေ့မို့ ခြင်မသတ်ပါနဲ့ဆိုပြီး ကိုယ့်ကိုလာတားနေတဲ့မိန်းမ တောင်မှ လမ်းမှာဖယ်ရီကားရှေ့မှာ ကန့်လန့်ဖြစ်နေတဲ့ ခွေးကို ဝင်တိုက်ပစ်လိုက်ဟ ဆိုပြီး Driver ကို ပြောသေးတာပဲ။ လူတွေဟာ မသိရင် သူတို့ကိုယ်တိုင် သိပ်ကိုမှန်ကန်ဖြောင့်မတ်နေသလို၊ မက်မောဖွယ် စာအုပ်တစ်အုပ် လိုဖြစ်အောင် ပြောဆိုတတ်ကြတယ်။
.
လမ်းမှာဘတ်စကားစီးနေရင်း ကားပေါ်ကနေ အပြင်ဘက်ကို လှမ်းကြည့်တော့ လမ်းလယ်ဘလောက်စ်တုန်းတွေနားကနေ စက်ဘီးတစ်စီးမောင်းလာတယ်။ သူ့နောက်ဘက်ကနေ ကားတစ်စီးက အပေါ်ကြောအတိုင်းမောင်းလာရင်း သူ့ကိုကျော်လို့ ရှေ့နားက ဘလောက်စ်တုံးမရှိတဲ့ လမ်းကွေ့ရမယ့် နေရာကနေ နောက်မီးပြပြီး ရုတ်တရက်ကွေ့လိုက်တယ်။ စက်ဘီးမောင်းလာတဲ့သူဟာ အရှေ့ကကား ရုတ်တရက် အချက်ပြပြီး ကွေ့တဲ့အခါ ကားကို ဝင်တိုက်တော့မလိုဖြစ်ပြီး မနည်းဘရိတ်အုပ်လိုက်ရတယ်။ ကားကတော့ ကွေ့သွားပြီ၊ စက်ဘီးမောင်းတဲ့သူက အရှိန်မနည်းထိန်းလိုက်ရတဲ့ အတွက် နည်းနည်း စိတ်ကသိကအောက်ဖြစ်သွားပုံရပါတယ်။ မျက်နှာအနေအထားနည်းနည်းတင်းလာပြီး စက်ဘီးဆက်နင်းရင်းနဲ့ ကွေ့သွားတဲ့ ကားဘက်ကို မကျေမနပ်လှည့်ကြည့်တယ်။
.
သူ့စိတ်ထဲမှာတော့ ဘယ်လိုကားသမားလဲပေါ့။ ရုတ်တရက်ကွေ့ချလိုက်တယ်ပေါ့။ အဲဒီလိုတွေးမှာပဲ။ ဒါပေမယ့် စက်ဘီးမောင်းတဲ့သူဟာ သူ့ကိုယ်သူ ဘာလုပ်နေတယ်ဆိုတာ သိပုံမရဘူး။ မှားနေတယ်။ သူမောင်းလာတာဟာ အလယ်ကြောဖြစ်တယ်။ ယာဉ်စည်းကမ်း၊ လမ်းစည်းကမ်းအရ လမ်းလယ်ကြောမှာ မောင်းလာတဲ့ စက်ဘီး၊ ဆိုင်ကယ်တွေကို ယာဉ်စည်းကမ်းအရ ဖမ်းဆီးနိုင်ခွင့်ရှိတယ်။ တနည်းအားဖြင့် သူက တရားဥပဒေ ချိုးဖောက်နေတာဖြစ်တယ်။ ကားလမ်းပေါ်မှာ မောင်းနေတဲ့ အိမ်စီးကားအနေနဲ့ တစ်ဘက်လမ်းကို ကွေ့ဖို့ အပေါ်ကြောကိုယူပြီး အချက်ပြလို့ ကွေ့လိုက်တာဟာ သူလုပ်ရမယ့်နည်းလမ်းအတိုင်း နည်းမှန်လမ်းမှန်နဲ့ လုပ်လိုက်တာပဲဖြစ်တယ်။ ကိုယ် မမောင်းရမယ့်နေရာမှာ စက်ဘီးကိုမောင်းနှင်နေတာကြောင့် ကားကွေ့တဲ့အခါ သူ့စက်ဘီး အရှိန်မနည်းထိန်းလိုက်ရတာကိုပဲမြင်တဲ့ စက်ဘီးသမားကတော့ သူ့ကိုယ်သူ အမှန်တရားကြီးဝတ်ဆင်ပြီး စက်ဘီးမောင်းလာသလိုပဲ။
.
လောကထဲလူတွေက ဒီလိုပဲ။ ကိုယ်ကိုယ်တိုင်ရဲ့ အကြောင်းတရားက လမ်းကြောင်းမှန်ရဲ့လားဆိုတာကို မတွေးဘဲ လမ်းလယ်ကြောတက်မောင်းသလို လုပ်နေကြတာပဲ။ ကိုယ့်ကိုယ်ကိုတော့ အမှန်တရားကြီး ပိုက်ပြီး လျှောက်လှမ်းနေကြသလိုပေါ့။
.
ရန်ကုန်မြို့မှာ အဲဒီလိုမျိုး ကိုယ့်ကိုယ်ကို အမှန်တရားကို ပိုက်ထွေးထားတယ်လို့ ထင်နေကြတဲ့ လူတန်းစားအလွှာတွေ အများကြီးရှိတယ်။ လမ်းပေါ်မှာဆိုလည်း လမ်းပေါ်မှာ အလျှောက် ၊ ရပ်ကွက်ထဲမှာဆိုလည်း ရပ်ကွက်ထဲမှာ အလျှောက်ပေါ့။
.
ပလက်ဖောင်းပေါ် ဈေးရောင်းနေတာ၊ ပလက်ဖောင်းပေါ်က မလျှောက်ဘဲ ကားလမ်းပေါ် တက်ရပ်နေပြီး ကားသမားက ကားလမ်းနားကပ်ပြီးရပ်ဖို့ အနားတိုးလာတဲ့အခါ ကားသမားကို မကြည်ကြည့်နဲ့ကြည့်တာ။ တကယ်ဆို ကားက ကားလမ်းပေါ်မှာရှိနေရမှာဖြစ်ပြီး ၊ လူကတော့ ပလက်ဖောင်းပေါ်မှာ ရှိနေရမှာလေ။
.
ရပ်ကွက်ထဲမှာဆိုလည်း မင်္ဂလာဆောင် ၊ အလှူ ခံစသည်ဖြင့် လုပ်တဲ့အခါတွေမှာ ဓါတ်စက်ကို လိုတာထက်ပိုပြီး ဖွင့်နေတာမျိုးတွေဟာ သိပ်ကို အရုပ်ဆိုးအကျည်းတန်တဲ့အပြင် ရပ်ကွက်ထဲမှာ မှီတင်းနေထိုင်နေကြတဲ့ ရပ်ကွက်သူ၊ ရပ်ကွက်သားတွေရဲ့ အကျိုးစီးပွားကို ထိခိုက်စေနိုင်တယ်ဆိုတာကို မသိဘဲ မိမိ လုပ်ချင်တာတစ်ခုတည်းကိုသာ ကြည့်ပြီး တွန်းတွန်းတိုက်တိုက်လုပ်တတ်တာတွေဟာ သိပ်ကို စိတ်ပျက်စရာကောင်းနေခဲ့ပြီ။
.
ညနေခင်းမှာ ကိုယ်စီကိုယ်ငှ အလုပ်၊ ကျောင်း ၊ သင်တန်းကနေ ပြန်လာတဲ့သူတွေအဖို့ နားအေးပါးအေးနဲ့ အခန်းထဲမှာ လဲလျောင်းလို့ တိတ်ဆိတ်ငြိမ်သက်စွာ အနားယူအပန်းဖြေဖို့အချိန်ရှိသလို ၊ သတင်းနားထောင်တာမျိုး ၊ စိတ်အပန်းဖြေတဲ့ အနေနဲ့ ရုပ်မြင်သံကြားကြည့်ရှုတာမျိုး၊ အဝေးရောက် ဆွေမျိုး၊ မိတ်သင်္ဂဟတွေနဲ့ ဖုန်းပြောခြင်းစတာတွေ လုပ်နေချိန်မှာ ဓါတ်စက်သံနဲ့ ဖုံးလွှမ်းထားတာမျိုးကတော့ သိပ်ကို မယဉ်ကျေးတဲ့ လူမှုဝန်းကျင်လို့ ဆိုရမှာပဲဖြစ်ပါတယ်။
.
ရုပ်တစ်ခု၊ စိတ်ကိုးဆယ် ဆိုတဲ့ စကားကို ပြန်ကောက်ရရင်တော့ လူဟာ တချိန်တည်းမှာ ကြည်လင်ငြိမ်းချမ်းတဲ့စိတ်နဲ့ အတူ ၊ မသိစိတ်အတွင်းနစ်မြုပ်နေတဲ့ ကြမ်းတမ်းခက်ထန်တဲ့ စိတ်အနေအထားတွေ ရှိနေကြတယ်။ ကိုယ့်ပတ်ဝန်းကျင်အခြေအနေကြောင့် ကိုယ့်စိတ်အခြေအနေဟာ တုန်ခါမှုအနေအထား အနိမ့်အမြင့်အမျိုးမျိုးဖြစ်စေနိုင်တာပဲလေ။
.
ကျွန်တော်တို့ဟာ သည်းခံရတယ်။ အကောင်း၊ အဆိုး ၂ မျိုးအပြင် အခြားသော စိတ်အခြေအနေတွေဖြစ်ပေါ်လာမယ့်အနေအထားကို ကိုယ့်ကိုယ်ကိုသိရှိနားလည်တဲ့အခါ ဆင်ခြင်တုံတရားဆိုတဲ့ ကိုယ့်စိတ်ကို လွတ်ထွက်မသွားအောင် ခါးပတ်ပတ်ထားရတယ်။ ဆင်ခြင်တုံတရားရှိဖို့ ဆိုတာဟာလည်း ကိုယ့်ရဲ့ကြီးပြင်းရှင်သန်လာမှုအခြေအနေထဲမှာ ကိုယ်တိုင်လေ့လာသင်ကြားဖတ်မှတ်မှု နဲ့ အဆုံးအမခံယူမှုတွေနဲ့ အတူ လေ့ကျင့်ယူရတာပဲလေ။
.
ရှင်သန်ကြီးပြင်းပုံမတူတဲ့အခါ ဆင်ခြင်တုံတရား အခြေအနေအနိမ့်အမြင့်ဟာ မတူညီနိုင်ဘူး။ ပီဘိတည်ငြိမ်နေ/ချင်တဲ့ စိတ်အခြေအနေနဲ့အတူ ငြိမ်းချမ်းရာကို ရှာဖွေနေတဲ့အခါ/ ခံစားနေတဲ့အခါ အဲဒီလိုခံစားမှုကြောင့် ဖြစ်ပေါ်လာမယ့် ငြိမ်းချမ်းခြင်းတရားကို ရရှိဖို့ အတွက်ဆိုရင်တော့ ပတ်ဝန်းကျင်ဟာ ကိုယ့်စိတ်ကို အထောက်အပံ့ဖြစ်စေဖို့ သိပ်ကို လိုအပ်တာပေါ့။
.
နေ့တိုင်း ကျွန်တော်တို့အတွေးဟာ ငြိမ်းချမ်းမှုကိုတော့ လိုချင်ကြတာချည်းပါပဲ။ လက်ဖက်ရည်လေးတစ်ခွက်၊ ဆေးလိပ်လေးတစ်လိပ် ၊ ကွမ်းကလေးတစ်ရာ စားသောက်ပြီး ရရှိတဲ့ ကျေနပ်နှစ်သိမ့်မှုလို ငြိမ်းချမ်းခြင်းကို စဉ်ဆက်မပြတ်(သို့မဟုတ်) တနေ့တာတိုင်းမှာ အချိန်များများခံစားနိုင်ဖို့ကတော့ အနုပညာဆန်တဲ့ ဒေသတွေဖြစ်ထွန်းလာဖို့သိပ်ကိုလိုအပ်တယ်ဆိုတာ အခိုင်အမာယုံကြည်ပါတယ်။
.
ကျွန်တော်တို့ ကိုယ်စီ ကိုယ်စီ ဘယ်လို နေရာဒေသတွေမှာ ရှင်သန်နေထိုင် နေကြပါသလဲ၊ ကျွန်တော်တို့ရဲ့ တည်မှီရာရပ်ဝန်းကရော ငြိမ်းချမ်းမှုကို လိုလားတဲ့ သူတွေ ရှိတဲ့ အရပ်ပါလား။ ကျွန်တော်တို့ရဲ့ စိတ်ငြိမ်းချမ်းမှုတွေကို ဘယ်လိုမျိုး ပိုမိုပွားယူနိုင်လိမ့်မလဲ။ ဘာပဲဖြစ်ဖြစ် ကျွန်တော်တို့ အနေနဲ့ ရုပ်တစ်ခု ၊ စိတ်ကိုးဆယ် ဖြစ်နေပေမယ့်လည်း ကိုးဆယ်သော စိတ်အခြေအနေတွေထဲမှာ ပျော်တဲ့စိတ် ၊ ကြည်လင်တဲ့စိတ် ၊ ကိုယ်ချင်းစာတဲ့စိတ် ၊ အနုပညာဆန်တဲ့စိတ် ၊ သနားတတ်တဲ့စိတ် ၊ ပေးကမ်းစွန့်ကြဲတတ်တဲ့စိတ် ၊ ပြင်ဆင်လိုတဲ့စိတ် ၊ ကြိုးစားလိုတဲ့စိတ် ၊ ကူညီဖေးမချင်တဲ့စိတ် ၊ နည်းမှန်စွာအောင်မြင်လိုတဲ့စိတ် ၊ နှစ်လိုဖွယ်ကြင်နာချင်တဲ့စိတ် ၊ ရိုသေတဲ့စိတ် ၊ ပေးကမ်းစွန့်ကြဲလိုတဲ့စိတ် ၊ တိရစ္ဆာန်လေးတွေကို သနားညှာတာတတ်တဲ့စိတ် ၊ သင်ယူလိုစိတ် ၊ ဝေမျှချင်စိတ်၊ သဘာဝတရားနဲ့သစ်ပင်ပန်းမာလ်တွေကို ချစ်ခင်ထိန်းသိမ်းလိုစိတ် ၊ ကမ္ဘာကြီးကို ချစ်တဲ့စိတ် တွေ ရှေ့တန်းရောက်နေဖို့ တကယ်ကို လိုအပ်ပါတယ်။
.
ကျော်ညိုသွေး

gravatar

Fuck You

Fuck You

Fuck You လို့အမည်ရတဲ့ စာပေလုံးဝအထူးပြုတဲ့မဂ္ဂဇင်းတစ်ခု ကို 1962 ခုနှစ် မှာ ကဗျာဆရာ Ed Sanders က New York မြို့ကြီးထဲက Manhattan မြို့လေးရဲ့ အရှေတောင်ဘက်ပိုင်းမှာ စတင်တည်ထောင်ခဲ့တယ်။ ကဗျာဆရာ Ed Sanders ဟာ နောက်ပိုင်းမှာ The Fugs ဂီတအဖွဲ့ရဲ့


ဘယ်သူ့မှ စောက်ဂရုမစိုက်တဲ့အထာနဲ့ ထုတ်ဝေခဲ့ပြီး ၊ ဖော်ပြချင်ရာ ဖော်ပြတဲ့ Fuck You ကို ရောင်စုံခြယ် Construction Paper တွေပေါ်မှာရိုက်နှိပ်ထုတ်ဝေခဲ့ပြီး Mimeograph Machine နဲ့ ရိုက်နှိပ်ခဲ့တာပဲဖြစ်တယ်။ mimeograph machine ဆိုတာက stencil လို့ခေါ်တဲ့ သတ္တုပြားပေါ်မှာ ရိုက်နှိပ်ချင်တဲ့ စာ/ပုံတွေ ကို ပုံဖော်ထားပြီး မှင်သုတ်လို့ စာရွက်ပေါ်မှာ ရိုက်နှိပ်တဲ့ စက်တစ်မျိုးပဲဖြစ်တယ်။ သေချာတာကတော့ Fuck You ကို အဲဒီလိုမျိုး တန်ဖိုးနည်းပုံနှိပ်နည်းနဲ့ ပြုလုပ်ခြင်းဟာ Mimeo Revolution အဖြစ် Publication လုပ်ငန်းတွေရဲ့ ဈေးကြီးမှုကို ရွဲ့ပဲ့ပြီး အပေါ်ယံစာရွက်ထက် အနုပညာသာ အဓိကဖြစ်တယ်ဆိုတဲ့မာန်ကိုချီပြီး လုပ်တာပဲဖြစ်တယ်။

Fuck You – A Magazine Of The Arts လို့ Slogan ဖော်ပြထားတဲ့ Fuck You Magazine ဟာ သက်တမ်း (၃) နှစ်သာ ကြာမြင့်ခဲ့တယ်။ Fuck You ကို 1962 ခုနှစ်ကနေ စပြီး ထုတ်လုပ်ခဲ့ပြီး နောက်ဆုံး Magazine ရပ်သွားတဲ့အထိ Issue ပေါင်း ၁၃ ခု ထုတ်လုပ်ခဲ့တယ်။

၁၉၆၆ ဇန်နဝါရီလ ၁ ရက်နေ့မှာတော့ ရဲတွေက Sanders တည်ထောင်ထားတဲ့ Peace Eye Bookstore ကိုဝင်ဖမ်းတယ်။ ပြီးတော့ သူ့ကိုတရားစွဲတယ်။ ဒါဏ်ငွေရိုက်တယ်။ အကြောင်းပြချက်ကတော့ သူထုတ်ဝေတဲ့စာအုပ်မှာ Fuck You ဆိုတာပါလို့တဲ့။ အဲဒီလိုတရားစွဲဆိုခံလိုက်ရတော့ သူ နာမည်ဆိုးနဲ့ကျော်ကြားသွားတော့တာပဲ။ အဲဒီလိုကျော်ကြားမှုက ၁၉၆၇ ခုနှစ် ဖေဖော်ဝါရီလ ၁၇ ရက်နေ့မှာ ထုတ်တဲ့ Life Magazine ရဲ့ မျက်နှာဖုံးမှာ
“a leader of New York's Other Culture” မှာ အခန့်သားဖော်ပြခံရတော့ တာပါပဲ။

တကယ်တမ်းပြောရရင်လည်း ယဉ်ကျေးမှုအသစ်ကိုဦးဆောင်သူတစ်ယောက် အဖြစ် Fuck You Magazine ကို ထုတ်လုပ်ခဲ့တာပဲဖြစ်တယ်။ Fuck You ဟာ ၁၉၆၀ ခုနှစ်များက ပေါ်ထွန်းခဲ့တဲ့ Mimeo Revolution ရဲ့အဓိကမဏ္ဍိုင်တစ်ခုလည်းဖြစ်တယ်။

Fuck Magazine ဆိုတာ စိတ်ခံစားမှုနဲ့ အနုပညာဖန်တီးမှုကို လွတ်လပ်စွာဖော်ထုတ်ပြသနိုင်ခွင့် ကို ရှေ့တန်းတင်ထားတယ်။ အထူးသဖြင့် လိင်၊ မူးယစ်ဆေးဝါးတွေနဲ့ စပ်လျဉ်းတဲ့ အစဉ်အလာတားမြစ်ချက်တွေကို အံတုဖောက်ခွင်းပစ်တယ်။ စိတ်ကိုပြောင်းလဲစေတဲ့ ဆေးဝါးသုံးစွဲခြင်း၊ တစ်ဦးတစ်ယောက်တည်းမဟုတ်ဘဲ နှစ်သက်သူတိုင်းနဲ့ သဘောတူလိင်ဆက်ဆံခြင်းတွေကို ထောက်ခံအားပေးမှုတွေပြုလုပ်ခဲ့တယ်။

Sandars နဲ့ သူ့ရဲ့ ပူးပေါင်းဆောင်ရွက်သူတွေအနေနဲ့ကတော့ ဒုတိယကမ္ဘာစစ်ခေတ်ကာလအတွင်း၊ ၁၉၅၀ နှစ်များအတွင်းမှာ ပေါ်ပေါက်ခဲ့တဲ့ စာပေယဉ်ကျေးမှုသစ်တွေဖော်ထုတ်တဲ့ ဂိုဏ်းဂဏ တစ်ခုဖြစ်တဲ့ Beat Generation နဲ့ ၁၉၆၀ ခုနှစ်တွေရဲ့ အလယ်ပိုင်းကာလတွေမှာ ပေါ်ပေါက်ခဲ့ပြီး၊ အစဉ်အလာထုံးတမ်းဓလေ့တွကို လွတ်လပ်စွာဆန့်ကျင်တဲ့ Hippie တွေကို ပေါင်းစည်းစေခဲ့တယ်။ ပြောရရင် အဲဒီ Beat Generation နဲ့ Hippie တွေဟာ အစဉ်အလာတွေကို တော်လှန်တယ်၊ ပင်မရေစီးယဉ်ကျေးမှုတွေနဲ့ ပင်မရေစီးအနုပညာတွေကို ဆန့်ကျင်ပြီး အနုပညာသစ်တွေကို မက်မက်မောမော ထုတ်ဖော်ရတာကို ထက်သန်ပြင်းပြကြတယ်။

၁၉၆၀ ခုနှစ်များနှောင်းပိုင်း အစဉ်အလာယဉ်ကျေးမှုတော်လှန်ရေးလှုပ်ရှားမှုတွေ ပိုမိုကျယ်ပြန့်လာမှုကြောင့် အဲဒီလို အစဉ်အလာကိုတော်လှန်တဲ့ စိတ်ခံစားမှုအထူးပြုသူတွေစုစည်းမိလာခဲ့တော့တယ်။

Fuck Magazine ရဲ့ Number 5, Volume 8 (1965)—Mad Motherfucker Issue ကတော့ ပုံမှာမြင်ရတဲ့ အတိုင်းပါပဲ။ ထုတ်ဝေခဲ့တဲ့ Issue တွေကို Download လုပ်ပြီး လေ့လာချင်တယ်ဆိုရင်တော့
http://www.ubu.com/vp/FuckYou.html မှာ ရှိပါတယ်။
.
ကျော်ညိုသွေး


 
https://scontent-kul1-1.xx.fbcdn.net/v/t1.0-9/14102320_10206509789975943_8384213167021185466_n.jpg?oh=c767c9fab034505781c47f5125046c6e&oe=58815825

gravatar

World Photo Day - ကမ္ဘာ့ဓါတ်ပုံနေ့

World Photo Day - ကမ္ဘာ့ဓါတ်ပုံနေ့
-------------------------------------------
နှစ်စဉ်နှစ်တိုင်းဆိုသလိုပဲ နိုင်ငံတကာမှာရှိတဲ့ ဓါတ်ပုံရိုက်ကူးခြင်းအနုပညာအပေါ် တပ်မက်စွဲလမ်းတဲ့ သူတွေဟာ သြဂုတ်လ ၁၉ ရက်နေ့ရောက်တိုင်းမှာ World Photo Day အထိမ်းအမှတ်အနေနဲ့ International Photography Event ကိုပြုလုပ်ကျင်းပကြလေ့ရှိပါတယ်။ World Photo Day Event ကို စတင်တည်ထောင်တဲ့သူကတော့ ဓါတ်ပုံပညာရှင် ၊ Storyteller တစ်ဦးဖြစ်သူ Korske Ara ဆိုသူပဲဖြစ်ပါတယ်။
.
World Photo Day ကို 1839 ခုနှစ်မှာစတင်ခဲ့ပြီး အခုအချိန်မှာဆိုရင်တော့ World Photo Day ရဲ့ သက်တမ်းဟာ ၁၇၇ နှစ်တောင်မှပဲရှိခဲ့ပြီဖြစ်ပါတယ်။ World Photo Day ကို သြဂုတ်လ ၁၉ ရက်နေ့အဖြစ်သတ်မှတ်ခြင်းအကြောင်းအရင်း မူလဇစ်မြစ်ကတော့ ကမ္ဘာ့သမိုင်းဝင်ဖြစ်ရပ်တစ်ခုဖြစ်တဲ့ ပြင်သစ်သိပ္ပံပညာသင်ကျောင်းမှ ကျောင်းသားနှစ်ဦးဖြစ်တဲ့ Nicèphore Nièpce နဲ့ Louis Daguerre တို့ဟာ ၁၈၃၇ ခုနှစ်မှာ Daguerreotype လို့ အမည်ရတဲ့ ဓါတ်ပုံရိုက်ကူးခြင်းနည်းပညာတစ်ခုကို တည်ဆောက်နိုင်ခဲ့ပြီး၊ Daguerreotype ဟာ ပထမဆုံးသော ဓါတ်ပုံရိုက်ကူးခြင်းဆိုင်ရာ တရားဝင်အသိအမှတ်ပြု နည်းပညာတစ်ခုဖြစ်လာခြင်းနဲ့ ၊ ပြင်သစ်အစိုးရက အဲဒီ Daguerreotype နည်းပညာကို မူပိုင်ခွင့်ဝယ်ယူပြီး၊ ကမ္ဘာကို တီထွင်မှုလက်ဆောင်တစ်ခုအဖြစ် လွတ်လပ်စွာအသုံးပြုနိုင်ဖို့ ထုတ်ပြန်ကြေညာခဲ့တာပဲဖြစ်ပါတယ်။
.
ကမ္ဘာပေါ်မှာ အချိန်နဲ့အမျှ တစ်မိနစ်ကြာတိုင်း ၊ ကြာတိုင်းမှာ ဓါတ်ပုံပေါင်းများစွာဟာ အင်တာနက်ပေါ်ကို ရောက်ရှိလာခဲ့ကြပါတယ်။ World Photo Day ရဲ့ဖြစ်တည်မှုဟာဆိုရင်တော့ ကမ္ဘာ့တလွှားမှာရှိတဲ့ ထောင်ပေါင်းများစွာသော ဓါတ်ပုံဆရာတွေရဲ့ ရည်ရွယ်ချက်ကိုယ်စီနဲ့ ရိုက်ကူးခဲ့တဲ့ဓါတ်ပုံတွေကို အချင်းချင်း စိတ်ပါဝင်စားစွာနဲ့ဝေမျှလာဖို့ စေ့ဆော်ပေးခြင်းပဲဖြစ်ပါတယ်။ ဆိုလိုတာကတော့ ဓါတ်ပုံဆရာတွေရဲ့ ကိုယ်ပိုင်ကမ္ဘာတွေ အချင်းချင်းချိတ်ဆက်ပြီး ဓါတ်ပုံဆရာများကမ္ဘာကို ဖန်တီးဖို့ပေါ့။
.
ကိုယ်စီ နေထိုင်ရှင်သန်ရာ နိုင်ငံဒေသ ရဲ့ ဓလေ့တွေ၊ ဓါတ်ပုံရိုက်ကူးမှုဆိုင်ရာ ကျွမ်းကျင်မှုအဆင့်ကွာခြားမှု အမျိုးမျိုးကွဲပြားကြတဲ့ ကမ္ဘာ့တလွှားကဓါတ်ပုံဆရာတွေရဲ့ နေ့စဉ်ဘဝမှာ ရိုက်ကူးခဲ့ကြတဲ့ ဓါတ်ပုံတွေအားလုံးစုစည်းမှုဟာ World Photo Day ရဲ့ Global Gallery ထဲမှာ တစ်ပုံချင်း၊ တစ်ကွက်ချင်း အရောရောအထွေးထွေးနဲ့ ပါဝင်ပေါင်းစပ်နေကြပါတယ်။
.
မည်သူမည်ဝါဖြစ်တယ်၊ ဘယ်လိုကင်မရာအမျိုးအစားကိုသုံးတယ် ဆိုတာနဲ့ ကျွမ်းကျင်မှုဘယ်လောက်ရှိတယ်ဆိုတာ အဓိကမကျပါဘူး။ World Photo Day ကနေ Photography ဖန်တီးခြင်းအပေါ်ထားရှိတဲ့ သင့်ရဲ့သိမှုအမြင်တွေကို ပွင့်လန်းလာစေဖို့ အထောက်အကူပြုနိုင်ပါလိမ့်မယ်။ ပြီးတော့ ဒီ World Photo Day အမှတ်တရ Event ကနေ သင့်ရဲ့ ကမ္ဘာမှာမြင်သမျှ ကိုယ်ပိုင်အမြင်တိုင်းကို အမိအရဖမ်းယူပြီး ပြန်လည်ဝေမျှလို့ ပြသနိုင်မှာလည်းပဲဖြစ်ပါတယ်။
.
World Photo Day ရဲ့ Official Website ကတော့ http://worldphotoday.com ဖြစ်ပြီးတော့ အဲဒီမှာပဲ Register ပြုလုပ်ကာ ကိုယ်ပိုင်ဓါတ်ပုံတွေကို ဝေမျှရင်း World Photo Day Event မှာပါဝင်လို့ ကိုယ်တိုင်ရိုက်ကူးထားတဲ့ Landscape - ရှုခင်း/မြင်ကွင်းဓါတ်ပုံတွေကို ဝေမျှနိုင်မှာပဲဖြစ်ပါတယ်။
.
သင်ဟာ ဓါတ်ပုံတွေကို မြတ်နိုးချစ်မက်သူတစ်ဦးဆိုရင်တော့ သြဂုတ်လ ၁၉ ရက်ဒီနေ့မှာ သင့်ရဲ့ ဓါတ်ပုံတွေကို World Photo Day ရဲ့ Global Gallery မှာ Share ရင်း Event ကိုပါဝင်လို့ သင့်ရဲ့ကမ္ဘာကမြင်ကွင်းတစ်ခုကို ကမ္ဘာအရပ်ရပ်က ဓါတ်ပုံချစ်မြတ်နိုးသူတွေကို ဝေမျှလိုက်ပါတော့လေ။
.
ကျော်ညိုသွေး
Source from http://worldphotoday.com

gravatar

စုနိုင်ဌေး



စုနိုင်ဌေး
.
နင့်နဲ့ပတ်သက်နေရတုန်းက
နင့်ကိုငါ
နုံချာချာအောက်တန်းစာရေးလေးက
အထက်တန်စားဖာကြီးကို မော်မကြည့်ဝံ့သလိုမျိုး
နင့်အပြုံး၊ နင့်အကြည်တွေဆိုတာ
ငါ့မှာ ဖဲနိုင်၊ ချဲနိုင်သလို ပျော်မောခဲ့ရ။
.
ပြောင်းလဲချိန်တန်ခဲ့ပြီ။
မှိုစွဲနေတဲ့အနာကို ကုရခက်သလိုမျိုး
မျက်ရည်ခံမှဲ့ကိုမှငါက မက်မောနေခဲ့တော့
ဘဝဟာ အသေလိုရှင်သန်ရတဲ့အဖြစ်နဲ့။
.
စံပယ်တင်မှဲ့ဆိုတာ
ဓူဝံကြယ်မှမဟုတ်ဘဲ။
လမ်းပျောက်ခဲ့တဲ့ ညတိုင်းဟာ
ရင်ကွဲနေတဲ့ ပုစဉ်းတွေ ရဲ့အော်သံမြောင်းမြောင်းထလို့။
ငါ့မှာ။
.
မိန်းမမမြင်ဘူးတော့
အပျက်မကိုပဲ တမ်းတမ်းစွဲစိတ်မျိုးနဲ့
အချစ်မှာ ရိုးဂုဏ်တွေမြဲလို့။
တခဏတာသီချင်းကို
တစ်ဘဝစာလင်းချင်တဲ့စိတ်နဲ့
နင့်ကို ယမင်းရုပ်လို့လည်း သိက္ခာတင်ဖူးခဲ့။
.
ဝတ္တရားကိစ္စပြီးလို့
လှလှပပထွက်ခွာသွားတဲ့ ကြေးစားမိန်းမလို
မင်းဟာအခုတော့ ငါ့ကိုပစ်ချလို့ထားခဲ့ပြီပဲ။
နံနက်ခင်းနေရောင်ခြည်တွေလည်း အလကား
အလုပ်သဘော ဆန်လွန်းတယ်။
.
ကျော်ညိုသွေး

gravatar

အသံများကို အုပ်စုဖွဲ့ရှာဖွေခြင်း (သို့) hashtag များ



အသံများကို အုပ်စုဖွဲ့ရှာဖွေခြင်း (သို့) hashtag များ

Hashtag လို့ခေါ်တဲ့ # ကို အများစုတွေ့ရတာကတော့ Social Media တွေဖြစ်တဲ့ Facebook နဲ့ Twitter တို့မှာပဲဖြစ်ပြီး ပညာရပ်ဆိုင်ရာဘာသာစကားတွေ ဖြစ်တဲ့ Computer Programming နဲ့ Musical Language တွေမှာ ထည့်သွင်းအသုံးပြုတဲ့ Sambol တစ်ခုပဲဖြစ်ပါတယ်။ အဓိကအားဖြင့် # ကို Programming Language နဲ့ Musical Language ဆိုင်ရာတွေမှာ အသုံးပြုကြတာကို အတွေ့ရများပါတယ်။ # ကို ဘာသာရပ်မျိုးစုံ၊ ဝန်းကျင်မျိုးစုံမှာ အသုံးပြုပုံအမျိုးမျိုးနဲ့ ကျယ်ပြန့်တွင်ကျယ်စွာနဲ့အသုံးဝင်လျက်ရှိပါတယ်။ အသံထွက်အနေနဲ့ကတော့ ဟက်ရှ် (သို့) ရှက်ပ် ဆိုပြီး အသုံးပြုတဲ့ဝန်းကျင်နဲ့ ပညာရပ်ဆိုင်ရာအသုံးတွေပေါ်မူတည်ပြီး အသံထွက်ကတော့ ကွဲပြားသွားပါတယ်။
ဆိုရှယ်နက်ဝဒ်ပေါ်မှာ အသုံးပြုတဲ့အခါ Twitter မှာဆိုရင် # ကို Grouping Sign အနေနဲ့ သတ်မှတ်ပြီး Hashtag = Twitter Groupings လို့ဆိုပါတယ်။ Facebook ပေါ်မှာတော့ တချို့က Status တွေကို #ကိုရှေ့မှာထားပြီးရေးလေ့ရှိကြတယ်။ တချို့က ထွင်လုံးတစ်ခုအနေနဲ့ # ကိုအရှေ့မှာထားပြီးရေးကြပေမယ့် တကယ့်တကယ်တမ်းတော့ # ရဲ့အနောက်မှာ Sapce မခြားဘဲ စာလုံးတွေကို တဆက်တည်းရေးခြင်းအားဖြင့်လည်း တူညီရာအသံတွေကို စုစည်းရှာဖွေနိုင်မှာလည်းပဲဖြစ်ပါတယ်။ ဒါပေမယ့် # ရဲ့ အနောက်မှာ ရေးသားလိုတဲ့ စကားလုံးက တစ်ခုထက်ပိုနေရင်တော့ “_” underscoreကို space အဖြစ်ထားပြီးရေးလေ့ရှိကြပါတယ်။ဥပမာ။ #Copy_Writing ဆိုပြီး ကိုယ်ရေးတဲ့ Status တစ်ခုထဲမှာ ထည့်ရေးမိရင် အဲဒီစာသားလေးဟာ # နဲ့အတူ တွဲလျက် Highlight ဖြစ်နေမှာဖြစ်ပြီးတော့၊ အဲဒီစာသားကို ဖိနှိပ်လိုက်တာနဲ့ Copy Writing နဲ့ ပတ်သက်တဲ့ ကိုယ့်အပြင်၊ တခြားသူများရဲ့ ရေးသားဖော်ပြချက်တွေ အားလုံးကို တစ်စုတစ်စည်းတည်းဖော်ပြနိုင်မှာဖြစ်ပါတယ်။ ဒါ့အပြင် ကိုယ်တိုင်အနေနဲ့လည်း ကိုယ့်ရဲ့ ရေးသားချက်တွေကို စုစည်းပြီး သိမ်းဆည်းတေးမှတ်ထားချင်တဲ့အခါမျိုးမှာလည်း #နဲ့ အတူ အခြားသူတွေ မသုံးသေးတဲ့ အသုံးအနှုန်းတွေနဲ့ Post ရဲ့ အောက်ခြေမှာ ထည့်သွင်းကာ သိမ်းဆည်းထားနိုင်မှာလည်းဖြစ်ပါတယ်။ # (or) Hashtag ဟာ ဆိုရင် အခုလို Social Network ကိုတွင်ကျယ်စွာအသုံးချပြီး လုပ်ငန်းဆောင်တာတွေကို လုပ်ကိုင်ဆောင်ရွက်နေတဲ့ အချိန်မှာ နဂိုမူလထက်ပိုတဲ့ လုပ်ဆောင်ချက်တွေကို လိုအပ်ရင် လိုအပ်သလို ချဲ့ထွင် အသုံးပြုနိုင်မှာလည်းပဲဖြစ်ပါတယ်။
#RGB_Media_Group #RGB_Script_Syndicate #RGB_Creative_Writing #RGB_Graphic_Design #RGB_Commercial_Writing #RGB_English_Translation #Kyaw_Nyo_Thway