တစ်ခါတုန်းက ဒုက္ခ၊ အခုတော့ ဟာသ

ကျွန်တော်ငယ်ငယ်(ငယ်ငယ်ဆိုတာ သုံးလေးနှစ်သား ကျောင်းမတက်ခင်အရွယ်)က အဖြစ်အပျက်လေးတစ်ခုကို ပြန်ပြီးအမှတ်ရမိပါတယ်။ အဲ့ဒိတုန်းက ကျွန်တော်တို့ မန္တလေးတိုင်း၊ ပျော်ဘွယ်မြို့မှာ နေတုန်းကပေါ့။ အဖေကရန်ကုန်ကို တစ်နှစ်ကိုနှစ်ကြိမ်လောက် အကြောင်းကိစ္စတစ်ခုနဲ့ အမြဲတမ်းသွားရတယ်။ အိမ်မှာ အဘွားရယ်၊ အမေရယ်၊ ကျွန်တော်ရယ်ပဲကျန်ခဲ့တာပေါ့။ ကျွန်တော်ငယ်ငယ်က တော်တော်ဆိုးတယ်လို့ပြောရမယ်။ တစ်ခုခုဆိုပေကပ်ကပ်နဲ့ ပြောရဆိုရလည်းကျပ်တတ်တယ် ( အခုလည်း အဲ့ဒိအကျင့်က နည်းနည်းကျန်သေးတယ်ထင့်ပါ့) ။

တစ်နေ့ ကျွန်တော့်အဘွားက လူကြီးပီပီ နေထိုင်မကောင်းဖြစ်ပါလေရော။ ဒါနဲ့အဘွားက အိမ်ခေါင်းရင်းဘက် ဘုရားစင်ရှေ့မှာ အိပ်နေတယ်။ အမေကလည်း အဘွားကို ဝေယျာဝစ္စ ကူညီနေတာပေါ့။ အဘွားအိပ်တဲ့နားမှာ သွပ်သေတ္တာနှစ်လုံးကိုထပ်ပြီး ထားတယ်လေ။ ကျွန်တော်ကလည်းခပ်ဆော့ဆော့ဆိုတော့ ဟိုပေါ်တက် ဒီပေါ်တက်လုပ်ရင်း သေတ္တာနှစ်လုံးထပ်ထားတဲ့အပေါ်ကနေခုန်ချပါလေရော..။ ဒါနဲ့အမေက "ဟဲ့ ဘွားဘွားကြီး နေမကောင်းလို့အိပ်နေတယ် မဆူနဲ့" လို့ပြောတာပေါ့။ ဒါလည်းကျွန်တော်က မမှတ်ဘူး။ ထပ်ခုန်ချတာပဲ။ ဒါနဲ့အမေကလည်းထပ်အော်ရတာပေါ့။ ဒါလည်းမရသေးဘူး သေတ္တာပေါ်ကိုပြန်တက် ပြီးပြန်ခုန်ချတာပဲ။ သုံးခါမြောက်လည်းကျရော အမေလည်းဒေါသအထွတ်အထိပ်ထိရောက်ပြီး ကျွန်တော့်ကို ထရိုက်ပါလေရော..။ ရိုက်တာမှ တော်တော့်ကိုရိုက်တာ။ ခုန်ခုန်ပြီးတော့ကို ကစားသလိုရိုက်တာ။ တော်တော်ဒေါသထွက်တယ်ထင်ပါရဲ့။ အမှန်က ကျွန်တော့်အဲ့တုန်းက ကလေးစိတ်နဲ့ အတွေးမှာ "ငါခုန်ချတာအသံမြည်တာ အသံမမြည်အောင်ခုန်ချကြည့်မယ်" ဆိုပြီး ထပ်ကာ ထပ်ကာစမ်းသပ်တာပါ။ အဲ့တုန်းကတော့ ကိုယ့်အတွေးပဲရှိပြီး လူကြီးကလည်းမသိတာရယ်။ သိအောင်လည်း ပြောမပြတတ်တာရယ် ကြောင့် အမေ့ကိုဒေါသထွက်စေခဲ့တာပေါ့။

အခုနေ အသက်ကြီးလာတော့ အိမ်မှာ ကျွန်တော့်အဘွားအကြောင်း သတိတရပြန်ပြောကြပြီဆိုရင် အဲ့ဒိအကြောင်းကပြန်ပြန်ပါလာတတ်ပြီး ရယ်စရာဟာသလေးတစ်ခုအဖြစ်ပြန်ပြောင်း ပြောဖြစ်တယ်။ အခုမှ ကျွန်တော့် အဖြစ်နဲ့ ကျွန်တော့် ကလေးအတွေးကို ပြန်တွေးမိပြီး ပြန်ပြောရင် ဟာသလေးဖြစ်ခဲ့တာပေါ့။ ဟိုတုန်းကတော့ ဒုက္ခ၊ အခုတော့ဟာသ လေးတစ်ခုအဖြစ် ကျန်ခဲ့ရပါတယ်။

(တစ်ကယ့်မောင်နှမတွေလို အရမ်းခင်ရတဲ့ အစ်မကြီး ၀င်းဝင်း..http://we-angelladies.blogspot.com/ က တက်ဂ်ထားတာပါ။ ခေါင်းစဉ်ကိုကြည့်ပြီး ကိုယ့်အဖြစ်တွေကိုစဉ်းစားရင်းနဲ့ ဒီအဖြစ်လေးကို ပြန်တွေးမိထားတာပါ။ ခင်မင်မှု့နဲ့ သတိတရ ကျွန်တော့်ကို တက်ဂ်တဲ့အတွက်လည်း အစ်မ ၀င်း...ကိုလည်းကျေးဇူးအထူးပါ)

တစ်ဆက်တည်းအနေနဲ့... ကျွန်တော်ခင်ရတဲ့ သူငယ်ချင်း၊ ညီအစ်ကိုမောင်နှမတွေဖြစ်တဲ့..
သူငယ်ချင်း မောင်မျိုး
ညီလေး ရှင်းသန့်...
ညီငယ် ခင်မောင်ငြိမ်း...
ညီမလေး ခေါင်ခေါင်
ညီမလေး ရောင်ပြန်.. တို့ကို ဆက်ပြီး တက်ဂ်လိုက်ပါတယ်။း)



လေစားစွာဖြင့်...

ကျော်ညိုသွေး