နှုတ်

နှုတ်

ဘာနှုတ်ရမှာလဲ?
သွား နှုတ်ရမှာလား?
သွားနှုတ်ရင်တော့ အတွေ့အကြုံရှိရဲ့လား?
နဲ့နေတဲ့ သွားဆိုရင်တော့ အလွယ်တကူ နှုတ်လို့ရ
မလှုပ်တဲ့သွား နှုတ်ရင်တော့ အတော်ခံရ/ ခြေကန်ပြီးဆွဲ
အနာမခံချင်ရင် ထုံဆေးပေး ဒါဆို သွေးအေးရင်တော့ နာမှာ
သွားနှုတ်လိုက်တဲ့ အခါ ကျန်ခဲ့မှာ ဟာတာတာ
တစ်ခုခုလွတ်နေတာ ကျွတ်ထွက်သွားတဲ့ တစ်စုံတစ်ရာအတွက်
ခက်ခဲစွာ အသားကျဖို့ ကြိုးစား
သိသာနေတဲ့ အရာအတွက် လျှာက အမြဲနိုးကြား
မကြာခဏ အဲဒီနေရာကို နှိုးဆွ
နှိုးဆွ စိတ်ကလည်း မရိုးမရွ နှုတ်က ပြဿနာလား
ပြဿနာလား နှုတ်က
နှုတ်နဲ့ သက်ဆိုင်သမျှ
နှုတ်ထွက်သွားပြီ ၊ အလုပ်ထွက်သွားပြီ။
နှုတ်ပစ်လိုက်တယ်!
တစ်ခုထဲက တစ်ဝက်ကို နှုတ်ပစ်လိုက်တယ်
အများကြီးထဲက တစ်ခုကို ထုတ်လို့ နှုတ်လိုက်တယ်
အကောင်းတွေထဲက မကောင်းတာကို နှုတ်ပစ်လိုက်တယ်
နှုတ်လိုက်တဲ့အခါ ကောင်းသွား , လိုသွား , ခိုသွား
နှုတ်ဖို့ လိုသလား?
ရင်ထဲက ဆူးကို နှုတ်လိုက်တယ် နှုတ်နဲ့
နှုတ်ရဲ့ အကူအညီနဲ့ နှုတ်လိုက်ပေါ့
နှုတ်နဲ့ အကောင်းဆုံးတွေ ထုတ်နှုတ်ပြောလိုက်တယ်
လိုသမျှတွေ သဘာဝထဲက ထုတ်နှုတ်သုံးစွဲ
နှုတ်သမျှတွေ အကောင်း- အပေါင်းလက္ခဏာဆောင်ဖို့
နှုတ်သမျှ အလုပ်ဟန်ကျဖို့ အနှုတ်က ပြန်ရဖို့
နဂိုအခြေအနေ တွေ ပြန်ရဖို့ အရောင်စွန်းနေတဲ့ ရေတွေထဲ
ရေတွေ ထပ်ဖြည့်ရင်း အကြိမ်ကြိမ်အခါခါ
အနှုတ်ပုံသေနည်းထဲ အပေါင်းသဘောတရားတွေ ပျော်ဝင်
ရေစင်အတိဖြစ်ဖို့ အဖန်ဖန်အခါခါ မူလ အခြေအနေအထိ ထပ်ပေါင်းရင်းနှုတ်
လူတွေကြောင့်ရတဲ့ ဝေဒနာ လူတွေကြားထဲမှာ ပျော်ဝင်
အဆင်ပြေရင် အကောင်းဆုံး သင်ခန်းစာတွေ ထုတ်နှုတ် အဖြေရှာ
အဖြေရှာလေ အဖြေရှာနေလား တစုံတရာ ရင်ထဲက စိတ်နှလုံးက
နှုတ်ရဲ့ပြတင်းက သီချင်းဆို၊ အရင်းအတိုင်းကို စိတ်ရင်းအတိုင်း
နှုတ်ကပြော လုပ်သမျှတော့ နှုတ်ကအဖြေပေး အခြေအနေအရပ်ရပ်
နှုတ်-ပါစပ် ရဲ့ အလိုအတိုင်း
အပေါင်းလား-အနှုတ်လား နှုတ်စကား
နှုတ်လိုက်တဲ့စကားလား နှုတ်သွားရာ စာသားများစွာ
နှုတ်တရာ စာတကြောင်း အလုပ်အကြောင်း နှုတ်ကောင်းလို့မရ
လုပ်သမျှ နှုတ်က နှုတ်သွား နှုတ်ဟာ ပြဿနာလား
နှုတ်တစ်ရာအား တားဆီးမရ နှုတ်က နှုတ်က
အပေါင်းအနှုတ် အမြှောက်အစား အော်ပရေးရှင်းန်များ
ခွဲခြား သုံးပြ နှုတ်နဲ့ နှုတ်သော အနှုတ်များ
စိမ်းလန်းခြင်း နွေးထွေးခြင်းများ ၊ ကြည်လင်သော တေးများအား
အနှုတ်က အရိုအသေ ပေးလိုက်သော အခါ။

ကျော်ညိုသွေး