ချောကလက်အက်ဆေး

ချောကလက်အက်ဆေး
gravatar

မပြီးသေးတဲ့ ကဗျာ

မပြီးသေးတဲ့ ကဗျာ


ကွမ်းရာရောင်းတဲ့ သူက ကွမ်းရာရောင်း ၊ ဆန္ဒပြတဲ့ သူက ဆန္ဒပြ ၊ သတင်းရေးတဲ့
သူက သတင်းရေး ၊ဝေဖန်ချက်ထုတ်တဲ့ သူက ဝေဖန်ချက်ထုတ် ၊ ရှိုးပွဲသွားတဲ့ သူက
ရှိုးပွဲသွား ၊ Date လုပ်တဲ့ သူက လုပ် ၊ အဖြေတောင်း တဲ့ သူက တောင်း။
ထမင်းငတ်တဲ့ သူက ငတ် ၊ ဟင်းငတ်တဲ့ သူက ငတ်။ Air Force One မ၀ယ်နိုင်လို့
စိတ်ဓါတ်ကျသူက ကျ ၊ ပန်းပွင့်လေး ကြွေသွားလို့ ၀မ်းနည်းသူက ၀မ်းနည်း ၊
စိန်ရတုပွဲ ကျင်းပနေသူတွေက ကျင်းပ ၊ မျှော်လင့်ခြင်းကွင်းပြင်မှာ ကြယ်ကြွေ
ဆုတောင်းကို ရွတ်သူက ရွတ်၊ အညိုရောင် လက်ဖက်ရည်ဆိုင်မှာ ရဲရဲတောက်
ကဗျာတွေ ရွတ်သူတွေ က ရွတ်၊ ပန်းတစ်ပွင့်ရဲ့ ကမ်မီကယ်လ်မှာ
အဆိပ်သင့်သူတွေ က သင့်။ လကုန်ရက် အလွန်မှာ မုဒိတာစက္ကူ တွေ စွန့်ကြဲသူက
စွန့်ကြဲ၊ သုံးသပ်တဲ့ သူက သုံးသပ် ၊ ကွမ်းစားဆေး ထဲ ဗာဒံရွက်ခြောက်ထည့်သူက
ထည့်။ ဒံပေါက်နဲ့ ထမင်းကြမ်း ရော ပြီး လွေးသူကလွေး၊ တစ်ယောက်
သုံးလေးသောင်းနဲ့ ဘူဖေး သူတွေ က ဖေး။ တစ်စုံတစ်ယောက်အတွက်
ကျောက်ကပ်ကို အလှူပေးသူက ပေး။ သီချင်းရေးတဲ့ သူက သီချင်းရေး ၊ ကား
ကျပ်ကျပ် ထဲမှာ စိတ်အလျှင်နဲ့ အိမ်ပြန်သူတွေ က ပြန် ၊ အောနိုက် စက်တန်း ထဲက
နေ တိုးထွက်လို့ မနက်ခင်းကို ကြိုသူက ကြို၊ အိစက်ညက်ညော မွေ့ရာပေါ်ကထပြီး
နေခြည်နွေးနွေ ကော်ဖီ ဖျော်သူက ဖျော်  ဒေါင်းလုတ် လုပ်သူက လုပ် ၊ အပ်ပလုတ်
လုပ်သူက လုပ်၊ ဆော့ဖ်ဝဲ ရေးသူက ရေး၊ ဟက်ကင်းလုပ်သူက လုပ် ၊ တော်လှန်တဲ့
သူက တော်လှန် ၊ ပြုတ်ကျတဲ့ သူက ပြုတ်ကျ ၊ အထုပ်မ တဲ့ သူက မ ။
ကြေငြာချက်ထုတ်သူက ထုတ် ၊ ယပ်တောင် ရောင်းကောင်း တဲ့ သူတွေက
ရောင်းကောင်း ၊ အဲယားကွန်းရောင်းကောင်းတဲ့ သူတွေ ကရောင်းကောင်း ၊
ပွဲဆက်များသူက များ ၊ ပွဲတက် များသူက များ ၊ သရဲသဘက် ထားသူက ထား ၊
အမည်းစက် ကြွားသူက ကြွား ၊ အိပ်မက်ကို အရောင်တင်သူက တင် ၊ ချိန်ခွင်ကို
အလေးခိုးသူ က ခိုး ၊ ပုဆိုးခြုံထဲက လက်သီး ပြသူက ပြ။ တင်ပြတဲ့ သူတွေ က
တင်ပြ ၊ ထောက်ခံတဲ့ သူတွေက ထောက်ခံ ၊ မှတ်တမ်းတင်တဲ့ သူတွေက
မှတ်တမ်းတင် ၊ ပြင်ဆင်တဲ့ သူတွေက ပြင်ဆင် ၊ ဖြည့်စွက်တဲ့ သူတွေက ဖြည့်စွက်၊
ပြီးတော့..
“အမှန်တရား ဆိုတာ တစ်ခုပဲ ရှိတယ်။ တစ်ကယ်လို့ အမှန်တရား ဆိုတာက
နှစ်ခုသာ ရှိနေမယ်ဆိုရင် အဲဒီ အမှန်တရား နှစ်ခုထဲက တစ်ခုဟာ အမှန်တရား
အစစ်ကို Modified လုပ်ထားတဲ့ အမှန်တရား သာ ဖြစ်တယ်” လို့ ပြောသူ က ပြော။

ကွမ်းရာရောင်းတဲ့ သူက သူက ရှိုးပွဲသွား၊ Date လုပ်တဲ့ သူက ထမင်းငတ်
ဝမ်းနည်းသူက လက်ဖက်ရည်ဆိုင်မှာ မုဒိတာစက္ကူ တွေ စွန့်ကြဲ
ဒံပေါက်နဲ့ ထမင်းကြမ်း ရော ပြီး ဘူဖေး သူတွေ က ဖေး၊ အိစက်ညက်ညော မွေ့ရာပေါ်ကထပြီး
သီချင်းရေးတဲ့ သူက သီချင်းရေး၊ ကား ကျပ်ကျပ် ထဲမှာ ဟက်ကင်းလုပ်သူက လုပ်
အထုပ်မ တဲ့ သူက ကြေငြာချက်ထုတ်သူက ထုတ် ၊ အဲယားကွန်းရောင်းကောင်းတဲ့ သူတွေ က
ချိန်ခွင်ကို အလေးခိုး၊ မှတ်တမ်းတင်တဲ့ သူတွေက   ပြင်ဆင်၊
အောနိုက် စက်တန်း ထဲက နေ တိုးထွက်လို့  ကဗျာတွေ ရွတ်သူတွေ က ရွတ်
ပန်းပွင့်လေး ကြွေသွားလို့ ကွမ်းစားဆေး ထဲ ဗာဒံရွက်ခြောက်ထည့်သူက ထည့်။

ပေစုတ်စုတ်အရောင်အဆင်း နဲ့ နံရံပေါ်က ဖတ်မရ တဲ့ ဂရပ်ဖစ်တီ ဆေးမှုတ်ရာ ဟာ
နှစ်ရှည် လများ။



ကျော်ညိုသွေး